រឿងអាស្រូវស្នេហារវាងអតីតតារាសម្ដែងស្រី Kim Sae Ron និង តារាសម្ដែងប្រុស Kim Soo Hyun នៅមិនទាន់ចុះត្រជាក់នៅឡើយទេ ដោយថ្មីៗនេះ ខាង Garo Sero Institute បានទម្លាយសារសំឡេងមួយរបស់ Kim Sae Ron ដែលនិយាយច្បាស់ៗថារូបនាងបានមានសម្ព័ន្ធភាពផ្លូវភេទជាមួយ Kim Soo Hyun ជាលើកដំបូង នៅពេលដែលនាងរៀនថ្នាក់ទី ៨។
នៅថ្ងៃទី ០៧ ខែឧសភា ឆ្នាំ ២០២៥ នេះ Bu Ji Seok ដែលជាអ្នកតំណាងផ្នែកច្បាប់នៃក្រុមគ្រួសាររបស់ Kin Sae Ron រួមនឹងលោក Kim Se Ui តំណាងខាង Garo Sero Institute បានធ្វើសន្និសីទកាសែតមួយនៅសង្កាត់ Gangnam ក្រុងសេអ៊ូល។ នៅទីនោះ ពួកគេបានទម្លាយនូវសារសំឡេងមួយរបស់ Kim Sae Ron និយាយគ្នាជាមួយអ្នកស្គាល់គ្នានឹងនាងពាក់ព័ន្ធនឹងទំនាក់ទំនងរវាងនាងជាមួយតារាប្រុស Kim Soo Hyun។
សារសំឡេងនោះដែរគឺថតនៅថ្ងៃទី ១០ ខែមករា ឆ្នាំ ២០២៥ ដោយ Kim Sae Ron បាននិយាយរៀបរាប់ថា នាងបានទាក់ទងគ្នាជាមួយ Kim Soo Hyun ចាប់ពីនាងរៀនថ្នាក់អនុវិទ្យាល័យរហូតដល់នាងចូលមហាវិទ្យាល័យ។ ក្រោយមក អ្នកស្គាល់គ្នានឹងនាងបានចោទសួរទៅនាងថា នាងពេញវ័យឬនៅ ពេលនាងរួមភេទជាមួយ Kim Soo Hyun លើកដំបូងនោះ? Kim Sae Ron ក៏បានតបវិញថា ពួកគេបានឡើងគ្រែជាមួយគ្នាលើកដំបូងគឺនៅពេលនាងរៀនថ្នាក់ទី ៨។
ការសន្ទនារវាង Kim Sae Ron និង មិត្តភក្តិរបស់នាង បកប្រែជាភាសាខ្មែរនៅខាងក្រោម៖
អ្នកស្គាល់គ្នា A៖ «តើឯងឡើងគ្រែជាមួយគាត់ ក្រោយឯងពេញវ័យហើយមែន?»
Kim Sae Ron៖ «ដំបូងបំផុតដែលពួកយើងបានធ្វើវាគឺនៅពេលខ្ញុំរៀនថ្នាក់ទី ៨ អំឡុងវិស្សមកាលរដូវរងា»។
អ្នកស្គាល់គ្នា A៖ «Wow! ថ្នាក់ទី ៨?»
Kim Sae Ron៖ «តាំងពីពេលនោះមក…ចង្រៃយ៎! ស្រាប់តែគិតឡើងវិញ ខ្ញុំគួរតែនិយាយថាខ្ញុំត្រូវគេទាញយកប្រយោជន៍អត់?»
អ្នកស្គាល់គ្នា A៖ «ចង្រៃយ៎! ប្រាកដហើយ ឯងត្រូវគេទាញយកប្រយោជន៍ហើយ។ ខ្ញុំនឹងទៅសម្លាប់វា អាចង្រៃ»។
Kim Sae Ron៖ មិនមានមនុស្សច្រើនទេដែលដឹងថាពួកយើងបានទាក់ទងគ្នាតាំងពីខ្ញុំនៅអនុវិទ្យាល័យ តែពួកគេទាំងនោះសុទ្ធតែមានប្រតិកម្មដូចៗគ្នា។ ពួកគេគិតថាខ្ញុំឆ្កួត ថាហេតុអ្វីបានជាខ្ញុំឱ្យគេគេចវេសពីវាបាន»៕
ប្រភព៖ Koreaboo
