ថ្មីៗនេះ មានការចេញផ្សាយព័ត៌មានព្រោងព្រាតថា Sean ‘Diddy’ Combs ឬ P Diddy ក្រោកពីដំណេកក្នុងគុក ប្រទះឃើញកាំបិតជាប់លើ-ក របស់លោក។
តាមការអះអាងរបស់មិត្តយ៉ិនសិនរបស់ P Diddy ម្នាក់ឈ្មោះ Charlucci Finney បានបញ្ជាក់ថា តាមទីតាំងកាំបិតលើ-ក របស់ Diddy ជនដៃដល់ដែលជាអ្នករួមគុកជាមួយគ្នានោះ អាចផ្ដាច់ជីវិត Diddy បានយ៉ាងស្រួល។
ថ្លែងប្រាប់សារព័ត៌មាន Daily Mail លោក Charlucci Finney បានរៀបរាប់ថា៖ «ប្រសិនបើជនមួយនេះ ចង់វាយប្រហារលើគាត់ Sean គឺនឹងត្រូវរងរបួសហើយ។ វាចាយពេលត្រឹមប៉ុន្មានវិនាទីប៉ុណ្ណោះក្នុងការកាត់ផ្ដាច់បំពង់ក និង សម្លាប់គាត់នោះ»។ លោកបានបន្ថែមទៀតថា៖ « នេះអាចជាសញ្ញាចង់ប្រាប់ថា «លើកក្រោយឯងមិនសំណាងដូចលើកនេះទេ» គ្រប់យ៉ាងគឺជាការគំរាមបំភ័យ…»។
គួរបញ្ជាក់ថា ករណីគំរាមបំភិតបំភ័យលើ P Diddy នេះ បានកើតមានឡើងក្រោយរូបលោកត្រូវតុលាការសម្រេចកាត់ទោសឱ្យជាប់ពន្ធនាគាររយៈពេល ៤ ឆ្នាំ ២ ខែ លើករណីពាក់ព័ទ្ធអំពើពេស្យាចារ៕
