ថ្មីៗ មហាជននៅតៃវ៉ាន់មានការភ្ញាក់ផ្អើលខ្លាំងក្រោយមានព័ត៌មានទម្លាយថា តារាសម្ដែងប្រុស Darren Wang បច្ចុប្បន្នកំពុងស្ថិតក្រោមការស៊ើបអង្កេតជុំវិញករណីប៉ុនប៉ងធ្វើរឿងឃាតកម្ម។
បើតាមភ្នាក់ងារសារព័ត៌មានតៃវ៉ាន់ Ettoday បានឱ្យដឹងថា រឿងក្ដីដែលពាក់ព័ន្ធនឹងតារាសម្ដែង Wang Ta Lu ឬ Darren Wang នេះដែរត្រូវបានបញ្ជូនទៅកាន់ការិយាល័យព្រះរាជអាជ្ញាដើម្បីស៊ើបអង្កេតបន្ថែមជុំវិញនឹងការប៉ុនប៉ងមនុស្សឃាត។ តាមព័ត៌មានបឋមបានទម្លាយថា Darren Wang ទើបវិលត្រឡប់ទៅតៃវ៉ាន់វិញកាលពីប៉ុន្មានថ្ងៃមុននេះ និង បានកក់ឡានមួយឱ្យទៅទទួលលោកនៅព្រលានយន្តហោះ។
យ៉ាងណាមិញ លោកគឺមិនពេញចិត្តចំពោះគុណភាពរបស់ឡានដែលបញ្ជូនទៅទទួលលោកនោះឡើយ ដែលជាហេតុធ្វើឱ្យលោកខឹងរហូតជួលមនុស្សឱ្យទៅវាយដំអ្នកបើកឡាន រួមទាំងអ្នកដែលទទួលខុសត្រូវលើការកក់ឡាននោះ។ ជនរងគ្រោះទាំងពីរនាក់បានរងរបួសធ្ងន់ធ្ងរ ទើបខាងប៉ូលិសដែលធ្វើការលើករណីនេះចាត់ទុកករណីនេះជាករណីប៉ុនប៉ងមនុស្សឃាត៕
ប្រភព៖ Koreaboo
