កាលពីថ្ងៃទី ០៥ ខែមករា ឆ្នាំ ២០២៥ កន្លងទៅ សារព័ត៌មាន Daily Mail បានចេញផ្សាយថា មេដឹកនាំប្រទេសកូរ៉េខាងជើង លោក គីម ជុងអ៊ុន បានប្រកាសចេញច្បាប់ថ្មីហាមពលរដ្ឋរបស់ខ្លួនមិនឱ្យញ៉ាំ hotdogs ដោយអ្នកល្មើសចាត់ទុកជាទង្វើក្បត់ជាតិ។
តាមការប្រកាសរបស់មេដឹកនាំកូរ៉េខាងជើងរូបនេះ បានអះអាងថាអាហារសម្រន់ដ៏ល្បីល្បាញមួយប្រភេទនេះគឺបែបលក្ខណៈលោកខាងលិចពេក និង ថែមនិយាយថាការបម្រើនូវអាហារមួយប្រភេទនេះនឹងត្រូវចាត់ទុកជាទង្វើក្បត់ជាតិ។ ចំពោះនរណាម្នាក់នៅក្នុងប្រទេសប្រទះឃើញលក់ hotdogs នៅតាមផ្លូវ ឬ ចម្អិនសាច់ក្រកអាមេរិកក្នុងផ្ទះរបស់ពួកគេ គឺប្រឈមនឹងត្រូវបញ្ជូនទៅកាន់ជំរំការងារ។
ក្នុងច្បាប់ដ៏តឹងរឹងថ្មីនេះដែរ លោក គីម ជុងអ៊ុន ក៏ប្រកាសបញ្ជាឱ្យដាក់ពន្ធនាគារលើគូស្នេហ៍ណាដែលចង់លែងលះគ្នាផងដែរ។ ចំពោះប្ដីប្រពន្ធដែលចង់លែងលះគ្នា ក្នុងច្បាប់ថ្មីនេះពួកគេទាំងពីរអាចប្រឈមមុខនឹងការជាប់ពន្ធនាគាររហូតដល់ ៦ ខែ ដោយខាងច្បាប់ប្រទេសចាត់ទុកទង្វើនេះជាការប្រឆាំងសង្គមនិយម៕
ប្រភព៖ Dailymail
