តារាសម្ដែងស្រី Kang Myung Joo ដែលប្រិយមិត្តនិយមទស្សនារឿង K-drama ភាគច្រើនស្គាល់ក្នុងរឿង «Extraordinary Attorney Woo» បានទទួលមរណភាពហើយក្នុងវ័យ ៥៤ ឆ្នាំ ក្រោយតស៊ូជាមួយជំងឺមហារីកអស់មួយរយៈ។
ដំណឹងមរណភាពរបស់តារាស្រីរូបនេះត្រូវបានប្រកាសដោយកូនស្រីរបស់លោកស្រីផ្ទាល់ គឺតារាសម្ដែង Park Se Young។ ក្នុងការប្រកាសនោះ លោកស្រី Myung Joo បានទទួលមរណភាពកាលពីថ្ងៃទី ២៧ ខែកុម្ភៈ ឆ្នាំ ២០២៥ កន្លងទៅ ដោយទីតាំងដាក់សពលោកស្រីរៀបចំធ្វើឡើងនៅ Seoul St. Mary’s Hospital Funeral Home ហើយពិធីបុណ្យសពនឹងធ្វើឡើងនៅថ្ងៃទី ០២ ខែមីនា ឆ្នាំ ២០២៥ ខាងមុខនេះ។
គួររំឭកថា តារាសម្ដែងស្រី Kang Myung Joo បានចូលប្រឡូកវិស័យសម្ដែងលើកដំបូងក្នុងឆ្នាំ ១៩៩២ ជាតួល្ខោនក្នុងរោងកុន។ ក្រោយមក បើទោះជាខ្លួនឯងកំពុងតែតស៊ូជាមួយជំងឺមហារីកក្ដី តារាស្រីរូបនេះនៅតែបន្តការងាររបស់ខ្លួនដដែល ដោយថ្មីៗកន្លងទៅ លោកស្រីបានចូលរួមសម្ដែងក្នុងរឿង «Sweat, Bea» និង រឿង «20th Century Blues»។
ចំពោះរឿងដែលធ្វើឱ្យលោកស្រីមានគេស្គាល់ច្រើននោះគឺនៅពេលដែលលោកស្រីដើរតួសម្ដែងជាតួអង្គចៅក្រមក្នុងរឿងភាគដ៏ល្បី «Extraordinary Attorney Woo»៕
