សឹងដូចកូនភ្លោះ! តារាសម្ដែងចិនវ័យក្មេងម្នាក់ កំពុងផ្ទុះល្បីខ្លាំងថាមានមុខមាត់ដូចតារាស្រីកូរ៉េ Kim Ji Won

បើនិយាយដល់តារាសម្ដែងស្រី Kim Ji Won មិនត្រឹមតែល្បីល្បាញចំពោះទេពកោសល្យសម្ដែងដ៏ប៉ិនប្រសប់ប៉ុណ្ណោះទេ សូម្បីតែរូបសម្រស់របស់នាងក៏ធ្វើឱ្យនរណាឃើញហើយមិនលង់ស្រឡាញ់មិនបាននោះឡើយ ព្រោះតែមុខមាត់របស់នាងទាក់ទាញរាយមន្តស្នេហ៍ខ្លាំង។

យ៉ាងណាមិញ ថ្មីៗនេះ មហាជនជាច្រើនបានផ្ទុះចាប់អារម្មណ៍ខ្លាំងទៅលើតារាសម្ដែងចិនពន្លកថ្មីម្នាក់ដែលមានរូបសម្រស់ទាក់ទាញ និង ជាពិសេសនោះគឺមុខមាត់របស់នាងស្រដៀងគ្នាខ្លាំងទៅនឹងកំពូលតារាសម្ដែងស្រីកូរ៉េ Kim Ji Won តែម្ដង។ តារាសម្ដែងស្រីចិនរូបនោះមានឈ្មោះថា Hu Lian Xin ដោយរូបនាងមានវ័យត្រឹមតែ ២៤ ឆ្នាំប៉ុណ្ណោះ។

Hu Lian Xin កើតនៅក្រុង Shenzhen ប្រទេសចិន ដោយនាងបានចាប់ផ្ដើមចូលប្រឡូកក្នុងវិស័យសម្ដែងក្នុងឆ្នាំ ២០២០។ គិតមកទល់ពេលនេះ នាងបានថតខ្សែភាពយន្តបានប្រមាណជាង ១០ រឿងហើយ។ ជាមួយទេពកោសល្យសម្ដែង ក៏ដូចជារូបសម្រស់ដ៏ទាក់ទាញ ភ្នែកមូលធំៗលើផ្ទៃមុខដ៏តូចគួរឱ្យស្រឡាញ់ ប្រាកដណាស់ដែលមហាជនជាច្រើននឹកគិតថារូបនាងមានមុខមាត់ស្រដៀងទៅនឹង Kim Ji Won នោះ៕