នៅថ្ងៃទី ១៩ ខែវិច្ឆិកា ឆ្នាំ ២០២៥ នេះ (ពេលវេលាក្នុងតំបន់) មានករណីអគ្គិភ័យដ៏ខ្លាំងក្លាមួយបានកើតឡើងនៅតំបន់ភាគនិរតី ប្រទេសជប៉ុន បណ្ដាលឱ្យផ្ទះសម្បែងរាប់រយខ្នងរងការបំផ្លិចបំផ្លាញ និង ពលរដ្ឋរាប់រយនាក់ត្រូវជម្លៀសទៅកាន់ទីទួលសុវត្ថិភាព។

តាមសារព៏ត៌មាន Yahoo News បានឱ្យដឹងថា ពលរដ្ឋជប៉ុនប្រមាណជាង ១៧០ នាក់ត្រូវបានជម្លៀសចេញភ្លាមៗ ខណៈក្រុមពន្លត់អគ្គិភ័យ និង ឧទ្ធម្ភាគចក្រយោធា នាំគ្នាស្វិតស្វាញក្នុងការពន្លត់ភ្លើង ដែលបានលេបត្របាក់ផ្ទះប្រជាពលរដ្ឋអស់ ១៧០ ខ្នង។ អគ្គិភ័យចាប់ផ្ដើមឆាបឆេះឡើងតាំងពីយប់ថ្ងៃទី ១៨ ខែវិច្ឆិកា អំឡុងពេលកំពុងមានខ្យល់បោកបក់ខ្លាំង ក្បែរផែនេសាទមួយក្នុងក្រុង Oita មុនរាលដាលឆេះដល់ព្រៃនៅក្បែរនោះ។

បច្ចុប្បន្ន មានមនុស្សម្នាក់កំពុងបាត់ខ្លួន ខណៈមូលហេតុបង្កជាការឆាបឆេះកំពុងស្ថិតក្រោមការស៊ើបអង្កេតនៅឡើយ៕

