កាលពីថ្ងៃទី ១៤ ខែកុម្ភៈ ឆ្នាំ ២០២៥ កន្លងទៅ បុរសម្នាក់មានដៃសំណាងឈ្នះរង្វាន់ធំឡានដ៏ទំនើបមួយគ្រឿងតម្លៃ ១.៧ លានយ័ន (ជាង ២៣ ម៉ឺនដុល្លារ) ក្រោយចំណាយលុយ ២ ពាន់យ័ន (២៨០ ដុល្លារ) លេងល្បែងបោះកងរយៈពេល ៣ ម៉ោង។
តាមសារព័ត៌មាន South China Morning Post (SCMP) បានឱ្យដឹងថា រង្វាន់ធំបំផុតនៅស្ដង់ល្បែងបោះកងនាផ្សាររាត្រីមួយកន្លែងនៅខេត្ត Henan ប្រទេសចិន គឺរថយន្តទំនើបម៉ាក Maserati មួយគ្រឿង ដោយរង្វាន់ផ្សេងទៀតរួមមានសត្វជាច្រើនដូចជាសត្វគោ ចៀមជាដើម។ បុរសដែលឈ្នះរង្វាន់ធំត្រូវបានស្គាល់ត្រកូលថា Wang បានធ្វើដំណើរពីខេត្ត Shandong ទៅខេត្ត Henan ដើម្បីលេងបោះកងយករង្វាន់នេះ។
ដើម្បីឈ្នះ លោក Wang ត្រូវបោះកងយ៉ាងមិចឱ្យចូលបង្គោលមួយដាក់ពីលើឡានទំនើបនោះ។ តាមព័ត៌មានបានឱ្យដឹងថា លោក Wang បានចាយលុយ ២ ពាន់យ័នទិញកងយកមកបោះ ហើយក្រោយការព្យាយាមលេងក្នុងពេលជិត ៣ ម៉ោង បោះកងអស់ប្រមាណជិត ៨ ពាន់កង លោកក៏សម្រេចបំណងឈ្នះរង្វាន់ធំជារថយន្តទំនើប Maserati៕
