រឿងរ៉ាវម្ចាស់មកុដ Miss Grand Prachuap Khiri Khan 2026 នាង Baby Suphannee Noinonthong ដែលត្រូវបានខាងស្ថាប័ន Miss Grand Thailand ដកតំណែងចេញភ្លាមៗបន្ទាប់ពីគ្រង់មកុដបាន ១ ថ្ងៃ ដោយសារតែបំពានកុងត្រារបស់ខ្លួននោះ គឺនៅតែទទួលបានការចាប់អារម្មណ៍នៅឡើយ។
រឿងអាស្រូវនោះដែរ គឺពាក់ព័ន្ធទៅនឹងវីដេអូមិនសមរម្យរបស់នាង Baby ស្លៀកឈុតក្នុងមើលធ្លុះឃើញសាច់ ប្រើប្រាស់ sex toy និង ជក់បារីអេឡិចត្រូនិច បង្ហោះក្នុងគណនី OnlyFans។ តាមសេចក្ដីប្រកាសពីខាងគណៈកម្មការប្រកួតបវរកញ្ញាបានលើកឡើងថា ទង្វើរបស់បវរកញ្ញារូបនេះគឺមិនសមស្របទៅតាមស្មារតី និង គោលការណ៍របស់បេក្ខភាពត្រូវគោរពតាមនោះឡើយ។
ក្រោយត្រូវស្ថាប័នដកហូតមកុដវិញ នាង Baby ក៏មិនរង់ចាំយូរចេញមុខមកឡាយវីដេអូយំសស្រាក់ធ្វើការសុំទោស ដោយបកស្រាយលើកហេតុផលថា នាងចូលរួមថតរូប និង វីដេអូអាក្រាតនេះ គឺដើម្បីជួយជីវភាពខ្លួនឯង និង ម្ដាយដែលមានជំងឺធ្ងន់ (បច្ចុប្បន្នម្ដាយរបស់នាងបានទទួលមរណភាពហើយ)។ ជាមួយគ្នានោះ នាងក៏បានធ្វើការស្នើសុំដល់ខាងស្ថាប័ន Miss Grand ឱ្យផ្ដល់ឱកាសឱ្យរូបនាងជាលើកទី ២ ផងដែរ៕
