យន្តហោះ Air India Boeing 787-8 ថ្មីៗកន្លងទៅនេះ បានជួបប្រទះបញ្ហាភ្លាមៗក្រោយហោះចេញពីក្រុងហុងកុងមិនបានប៉ុន្មាន និង ត្រូវបកក្បាលត្រឡប់ចុះចតវិញជាបន្ទាន់ដើម្បីធានាសុវត្ថិភាពអ្នកដំណើរ។
តាមសេចក្ដីប្រកាសពីខាងក្រុមហ៊ុន Air India បានរៀបរាប់ថា៖ «ជើងហោះហើរ AI315 បានវិលត្រឡប់ចុះចតវិញនៅហុងកុងភ្លាមៗ ក្រោយហោះចេញមិនបានប៉ុន្មានក៏ជួបប្រទះបញ្ហាបច្ចេកទេស។ យន្តហោះបានចុះចតវិញដោយសុវត្ថិភាព និង កំពុងត្រួតពិនិត្យមើលបញ្ហាជាការប្រុងប្រយ័ត្ន»។
យន្តហោះជួបបញ្ហាខាងលើនេះជាប្រភេទ Boeing 787-8 Dreamliner ដែលបានដាក់ដំណើរការរយៈពេល ៧ ឆ្នាំហើយ។ ខាង Air India បានបញ្ជាក់ថា ពីឡុតបានសម្រេចបកត្រឡប់មកព្រលានវិញដើម្បីធានាដល់សុវត្ថិភាពអ្នកដំណើរ ហើយចំពោះមកពីបញ្ហាអ្វីនោះ ខាងក្រុមហ៊ុនមិនទាន់បានប្រកាសនោះឡើយ៕
