កាលពីថ្ងៃទី ១១ ខែកក្កដា ឆ្នាំ ២០២៥ កន្លងទៅ Jennie សមាជិកក្រុម BLACKPINK បានផ្ទុះការចាប់អារម្មណ៍ពាសពេញបណ្ដាញសង្គម នៅពេលដែលនាងដើរនៅព្រលានយន្តហោះពាក់ស្បែកជើងម៉ូដប្លែកដែលមហាជនជាច្រើនច្រឡំថានាងដើរជើងទទេ។ យ៉ាងណាមិញ ក្រោយការផ្ទុះផ្អើលបានមួយថ្ងៃ ម៉ូដស្បែកជើងដ៏ទាក់ទាញមួយនេះត្រូវបានលក់អស់គ្មានសល់នៅតាមហាងមួយចំនួន។
គួរឱ្យដឹងថា ស្បែកជើងម៉ូដជើងទទេដែល Jennie ពាក់នោះគឺជាស្បែកជើងរបស់ក្រុមហ៊ុន Vibram ដែលច្នៃឡើងសម្រាប់អ្នកហាត់ប្រាណ។ ស្បែកជើងម៉ូដនេះដែរដាក់លក់តាំងពីឆ្នាំ ២០២០ មកម្ល៉េះក្នុងតម្លៃ ១២០ ដុល្លារ តែទើបតែផ្ទុះផ្អើលខ្លាំងនៅប្រទេសកូរ៉េក្រោយ Jennie ពាក់ដើរនៅព្រលានយន្តហោះកាលពីថ្មីៗទៅនេះ៕
