ជារឿងដ៏គួរឱ្យចាប់អារម្មណ៍មួយដោយក្រុមអ្នកវិទ្យាសាស្ត្រនៅក្នុងប្រទេសឥណ្ឌា បានសិក្សាស្រាវជ្រាវរកឃើញថាទឹកដោះរបស់សត្វកន្លាតមួយប្រភេទគឺមានជីវជាតិច្រើនលើសលប់មិននឹកស្មានដល់។
ការសិក្សានោះដែរ ធ្វើឡើងកាលពីឆ្នាំ ២០១៦ ដោយក្រុមអ្នកវិទ្យាសាស្ត្រអន្តរជាតិដោយក្នុងនោះរួមមានអ្នកស្រាវជ្រាវមកពីវិទ្យាស្ថានជីវវិទ្យា Stem Cell និង ការបង្កើតឱសថឡើងវិញ នៅប្រទេសឥណ្ឌា។ ពួកគេបានធ្វើការវិភាគទៅលើគ្រីស្ដាល់ប្រូតេអ៊ីនដែលរកឃើញក្នុងចំណុចកណ្ដាលនៃក្រពះរបស់សត្វកន្លាតប្រភេទ Pacific beetle ដោយគេរកឃើញថាគ្រីស្គាល់ទាំងនោះគឺមានសារធាតុចិញ្ចឹមយ៉ាងពិសេស រួមមានប្រូតេអ៊ីន ខ្លាញ់ និង ស្ករ និង ថែមទាំងផ្ដល់នូវថាមពលច្រើនជាង ៣ ដងនៃបរិមាណធៀបនឹងទឹកដោះសត្វក្របី និង ៤ ដងលើសទឹកដោះគោ។
ការសិក្សានោះដែរក៏បានកត់បញ្ជាក់ដែរថា គ្រីស្គាល់ប្រូតេអ៊ីនទាំងនោះបញ្ចេញសារធាតុចិញ្ចឹមយឺតៗអំឡុងពេលធ្វើការរំលាយអាហារ ដែលផ្ដល់នូវប្រភពថាមពលនឹងធឹងល្អ។ យ៉ាងណាមិញ តម្រូវការនៃទឹកដោះសត្វកន្លាតនេះគឺមិនទាន់អាចធ្វើទៅរួចនោះឡើយនាពេលបច្ចុប្បន្នដោយសារតែការលំបាកក្នុងការផលិត ព្រោះតែកន្លាតជាសត្វល្អិតតូចៗដូច្នេះការទាញយកទឹកដោះទាមទារសត្វកន្លាតច្រើនក្បាល៕
