ថ្មីៗនេះ មានករណីដ៏គួរឱ្យប្រុងប្រយ័ត្នមួយសម្រាប់អ្នកដែលចូលចិត្តញ៉ាំ hotpot ដោយមាននារីម្នាក់នៅក្រុង Zhengzhou ប្រទេសចិន ទៅញ៉ាំ hotpot រួចក៏បានកើតអាការឈឺ-កខ្លាំងរហូតដល់ថ្នាក់ចូលមន្ទីរពេទ្យ។ ពេលដល់ពេទ្យបានប្រមាណ ១០ នាទី នាងក៏មានបញ្ហាពិបាកដកដង្ហើមរហូតបាត់បង់ជីវិតទៅទាំងវ័យទើប ២៦ ឆ្នាំ។
តាមព័ត៌មានបានឱ្យដឹងថា នៅយប់មុនថ្ងៃកើតហេតុ នារីរូបនោះបានទៅញ៉ាំ hotpot ជាមួយមិត្តភក្តិក្រោយចេញពីធ្វើការ។ ពេលញ៉ាំរួច នាងក៏មានអារម្មណ៍ថាឈឺ-កតិចតួចហើយក៏ចាប់អារម្មណ៍ខ្វល់ដោយគិតថាប្រហែលមកពីញ៉ាំហឹរទើបឈឺ-កបែបនេះ។
យ៉ាងណាមិញ ការឈឺចាប់ក៏កាន់តែខ្លាំងឡើងនៅព្រឹកថ្ងៃបន្ទាប់ក្រោយនាងភ្ញាក់ពីគេង។ នាងចាប់ផ្ដើមពិបាកដកដង្ហើម ហើយក៏ប្រញាប់ប្រញាល់ទៅមន្ទីរពេទ្យភ្លាមៗ តែជាអកុសល ទទួលការពិនិត្យព្យាបាលបានត្រឹម ១០ នាទី នាងក៏សន្លប់បាត់មាត់បាត់កហើយក៏ផុតដង្ហើមទោះបីគ្រូពេទ្យព្យាយាមសង្គ្រោះនាងយ៉ាងណាក៏ដោយ។
តាមការពិនិត្យវិនិច្ឆ័យពីគ្រូពេទ្យបានរកឃើញថា នារីរងគ្រោះបានស្លាប់ដោយសារជំងឺ epiglottitis ស្រួចស្រាវ ដែលជាជំងឺកើតឡើងនៅពេល epiglottitis (ស្រទាប់ឆ្អឹងខ្ចីតូចមួយគ្រប់ដណ្ដប់បំពង់ខ្យល់) បានហើមធ្វើឱ្យមានការរារាំងលំហូរខ្យល់ចូលទៅក្នុងសួត។ កត្តាជាច្រើនអាចបណ្ដាលឱ្យមានជំងឺនេះដូចជា ការរលាកដោយវត្ថុរាវក្ដៅ ការឆ្លងរោគ និង ការរងរបួសនៅបំពង់កជាដើម។ យ៉ាងណាមិញ ក្រុមគ្រូពេទ្យនៅមិនអាចបញ្ជាក់ច្បាស់ឡើយថា ការញ៉ាំ hotpot ពីសំណាក់អ្នកជំងឺគឺជាមូលហេតុចម្បងដែលធ្វើឱ្យនាងស្លាប់នោះឡើយ៕
ប្រភព៖ World Of Buzz
