បើចូលចិត្តហូបល្មមៗបានហើយ! ស្រ្តីម្នាក់វិលមុខ និង ក្អួតដល់ថ្នាក់ចេញឈា./ម ក្រោយពីហូបទំពាំងច្រើនពេក

មានករណីមួយនៅប្រទេសចិន ដែលស្រ្តីចំណាស់ម្នាក់វិលមុខ និង ក្អួតដល់ថ្នាក់ចេញឈាម ព្រោះតែបរិភោគទំពាំងក្នុងបរិមាណច្រើនពេក។

បើតាមគ្រូពេទ្យបានឱ្យដឹងថា ស្រ្តីរូបនេះបានមកមន្ទីរពេទ្យក្នុងអាការវិលមុខ ណែនទ្រូង និង ក្អួតមានឈាម ក្រោយពីបានបរិភោគទំពាំងក្នុងបរិមាណ ៣ ខាំរួច។ គ្រូពេទ្យបានធ្វើការត្រួតពិនិត្យ និង ឃើញថាអ្នកជំងឺមានបញ្ហាហូរឈាមក្នុងប្រព័ន្ធរំលាយអាហារ និង មានដំបៅក្នុងក្រពះច្រើនកន្លែង ដោយសារតែការចូលចិត្តហូបទំពាំងពេក។

ខាងគ្រូពេទ្យបានឱ្យដឹងទៀតថា ទំពាំងមានជាតិសរសៃ និង អាស៊ីត oxalic ច្រើន ហើយបើបរិភោគក្នុងបរិមាណច្រើនវានឹងបង្កឱ្យមានការរលាកក្រពះពោះវៀន ឬក៏អាចបណ្តាលឱ្យហូរឈាម បើសិនជាអ្នកនោះមានបញ្ហាដំបៅក្រពះស្រាប់។ មនុស្សចាស់ដែលមានជំងឺ អ្នកដែលមានប្រព័ន្ធរំលាយអាហារខ្សោយ គួរតែកាត់បន្ថយ ឬចៀសវាងការបរិភោគទំពាំង។

ម្យ៉ាងទៀត អ្នកដែលលេបថ្នាំកាល់ស្យូមជាប្រចាំ ហើយបរិភោគទំពាំង នោះវានឹងធ្វើឱ្យអាស៊ីត oxalic ផ្សំជាមួយនឹងកាល់ស្យូម ដែលអាចបង្កទៅជាគ្រួសក្នុងត​ម្រងនោមបានទៀតផង៕

ប្រភព៖ Khaosod