សារព័ត៌មាន Daily Mail បានទម្លាយវីដេអូដ៏តក់ស្លុតមួយដែលថតសកម្មភាពរបស់ជនរងគ្រោះដែលរួចផុតអាយុជីវិតត្រូវបានក្រុមសង្គ្រោះជួយទាញចេញពីបំណែកយន្តហោះដែលបានធ្លាក់នៅក្នុងប្រទេស Kazakhstan ចំថ្ងៃបុណ្យគ្រីសម៉ាស់។
តាមវីដេអូបានបង្ហាញឱ្យឃើញជនរងគ្រោះដែលនៅរស់ត្រូវបានទាញចេញពីបំណែកយន្តហោះដែលដាច់ចេញពីគ្នាពាក់កណ្ដាល។ សម្រែកទ្រហោយំរបស់ជនរងគ្រោះកងរំពងពេញទីតាំងកើតហេតុ ខណៈមួយចំនួនត្រូវបានឃើញទាញជើងចេញពីយន្តហោះ និង មួយចំនួនទៀតឃើញដើរចេញមកប៉ើងខ្ញើចៗចេញពីបំណែកយន្តហោះ ដោយទិដ្ឋភាពទាំងមូលមើលទៅគួរឱ្យតក់ស្លុតជាទីបំផុត។
គួររំឭកថា យន្តហោះ Azerbaijan Airlines មួយគ្រឿងដឹកអ្នកដំណើរចំនួន ៦៧ នាក់ និង បុគ្គលិក ៥ នាក់ បានធ្លាក់ក្បែរទីក្រុង Aktau ភាគខាងលិចប្រទេស Kazakhstan បណ្ដាលឱ្យមនុស្ស ៣៨ នាក់បាត់បង់ជីវិត៕
