ករណីថ្មីប្លែកមួយកំពុងផ្ទុះការចាប់អារម្មណ៍ខ្លាំងនៅចិន ដោយមានស្ត្រីម្នាក់ត្រូវបានឱ្យដឹងថាបានទំនាក់ទំនងជាមួយបុរសដល់ទៅ ២០ នាក់ក្នុងពេលតែមួយក្នុងបំណងល្បួងបោកប្រាស់ដើម្បីបានលុយយកទៅកក់ផ្ទះក្នុងក្ដីស្រមៃរបស់ខ្លួន។
តាមព័ត៌មានបានឱ្យដឹងថា ស្ត្រីខាងលើបានស្នើសុំឱ្យសង្សារទាំង ២០ នាក់របស់ខ្លួនទិញ iPhone 7 ឱ្យនាង។ ប្រមូលបានគ្រប់ ២០ គ្រឿងហើយ នាងក៏បានយកទូរស័ព្ទទាំងនោះទៅលក់បន្តដោយបានលុយប្រមាណជាង ១២ ម៉ឺនយ័ន (១៧០០០ ដុល្លារ) រួចនាងក៏យកលុយទាំងនោះទៅកក់ទិញផ្ទះល្វែងមួយខ្នងនៅស្រុកកំណើត។
តាមការចេញផ្សាយរបស់សារព័ត៌មាន SCMP រឿងហេតុបែកធ្លាយនៅពេលមិត្តរួមការងាររបស់ស្ត្រីរូបនោះមានការភ្ញាក់ផ្អើលខ្លាំង ពេលឃើញនាងបង្ហោះលើបណ្ដាញសង្គមនិយាយពាក់ព័ន្ធនឹងការទិញផ្ទះ ទាំងដែលរូបនាងធ្វើការបានប្រាក់ខែទាបសោះ។ យ៉ាងណាមិញ ក្រោយមក ពួកគេក៏រកឃើញថា តាមពិតនាងបានទាក់ទងមនុស្សប្រុសចំនួន ២០ នាក់ក្នុងពេលតែមួយរយៈពេលជាង ៦ ខែ ហើយក៏ល្បួងប្រុសៗទាំងនោះដើម្បីបានលុយទៅកក់ផ្ទះបែបនេះសោះ៕
ប្រភព៖ 9GAG
