កាលពីថ្ងៃទី ១៧ ខែមេសា ឆ្នាំ ២០២៥ កន្លងទៅ មានករណីគ្រោះថ្នាក់ដ៏កម្រមួយបានកើតមានឡើងនៅក្រុង Yekateringburg ប្រទេសរុស្ស៊ី ដោយដូនចាស់អាយុ ៨០ ឆ្នាំម្នាក់ខណៈកំពុងតែបោសសម្អាតផ្ទះរបស់គាត់ និង ព្យាយាមឈោងទៅសម្អាតបង្អួចក៏ជួបគ្រោះថ្នាក់រអិលធ្លាក់ពីជាន់ទី ៦ មកដល់ក្រោមមួយទំហឹងទើរលើដំបូលឡានរបស់អ្នកជិតខាង។
តាមវីដេអូស្ដែងៗដែលថតបាន ធ្វើឱ្យមហាជនក្នុងប្រទេសរុស្ស៊ីជាច្រើនស្រឡាំងកាំងជាខ្លាំង ព្រោះថាក្រោយធ្លាក់មកមួយទំហឹងចំពីលើដំបូលឡានហើយនោះ ដូនចាស់ជាជនរងគ្រោះបែរជាមើលទៅមិនមានរងរបួសធ្ងន់ធ្ងរលើខ្លួនប្រាណ អាចវារចុះពីដំបូលឡានដើរធម្មតាដូចជាគ្មានរឿងអ្វីកើតឡើងលើរូបគាត់នោះឡើយ។ យ៉ាងណាមិញ លោកយាយនៅតែត្រូវបានពលរដ្ឋក្បែរនោះបញ្ជូនទៅមន្ទីរពេទ្យដដែលដើម្បីឆែកមើលសុខភាពឱ្យអស់ចិត្ត៕
