អតីតតារាសម្ដែងប្រុសសិង្ហបុរី Ian Fang ត្រូវបានតុលាការសម្រេចកាត់ទោសឱ្យជាប់ពន្ធនាគាររយៈពេល៤០ ខែ ជុំវិញករណីបៀតបៀនផ្លូវភេទក្មេងស្រីអាយុ ១៥ ឆ្នាំជាច្រើនដង។
តាមការចេញផ្សាយរបស់កាសែតចិន Sin Chew បានឱ្យដឹងថា លោក Ian Fang ត្រូវបានរកឃើញថាពិតជាបានបៀតបៀតផ្លូវភេទលើក្មេងមិនទាន់គ្រប់អាយុពិតប្រាកដមែន ហើយអត្តសញ្ញាណរបស់លោកត្រូវបានទម្លាយជាសាធារណៈនៅថ្ងៃទី ១៩ ខែឧសភា ឆ្នាំ ២០២៥ នេះ ក្រោយការលាក់បាំងអត្តសញ្ញាណត្រូវបានដកចេញ។ លោករកឃើញថាជាប់ទោសចំនួន ៣ ករណីលើបទរំលោភលើអនីតិជន។ ជាមួយគ្នានោះដែរ បទចោទប្រកាន់ចំនួន ៣ ស្រដៀងគ្នានេះដែរក៏ត្រូវបានតុលាការពិចារណាដើម្បីកាត់ទោសដូចគ្នា ក្នុងនោះរួមមានការរារាំងដល់ការកាត់ក្ដី និង ការតាម stalk។
តាមព៏ត៌មានបានឱ្យដឹងទៀតថា ចន្លោះខែមិថុនា និង កក្កដា ឆ្នាំ ២០២៤ លោក Ian Fang បានរួមភេទជាមួយក្មេងស្រីរងគ្រោះចំនួន ៩ ដង ដោយ ៥ ដងក្នុងចំណោមនោះ លោកគឺមិនបានប្រើប្រាស់ស្រោមអនាម័យការពារនោះឡើយ។ លោកព្រមពាក់ស្រោមការពារនៅពេលដែលក្មេងស្រីនោះទទូចខ្លាំងប៉ុណ្ណោះ។ ក្នុងចំណោម ៩ ដងនោះដែរ ក៏រួមមានពេលដែលក្មេងរងគ្រោះកើតផ្ដាសាយត្រូវសម្រាកនៅមន្ទីរពេទ្យក្នុងបន្ទប់ឯកជន ហើយលោក Ian ក៏បានរង់ចាំរហូតដល់កណ្ដាលអធ្រាត្រដើម្បីរួមភេទជាមួយនាងក្នុងបន្ទប់នៅមន្ទីរពេទ្យនោះទៀតផង។
ក្រោយមក ក្មេងស្រីរងគ្រោះក៏បានរកឃើញថា នាងបានកើតមានជំងឺ Human Papillomavirus (HPV) ក្រោយរូបនាងកើតមានអាការឈឺចាប់នៅតំបន់សំខាន់។ ម្ដាយរបស់ក្មេងរងគ្រោះក៏បានធ្វើការដាក់ពាក្យបណ្ដឹងទៅប៉ូលិសកាលពីខែសីហា ឆ្នាំ ២០២៤ កន្លងទៅ ក្រោយនិយាយជាមួយកូន ហើយនាងសារភាពពីសម្ព័ន្ធផ្លូវភេទជាមួយនឹងអតីតតារាសម្ដែងប្រុសខាងលើ។
តាមសារព័ត៌មាន CNA បានចេញផ្សាយដែរថា ក្មេងស្រីរងគ្រោះបានកើតមានជំងឺផ្លូវចិត្តធ្ងន់ធ្ងរ រហូតគិតចង់ធ្វើអត្តឃាតខ្លួននៅពេលនោះ ប៉ុន្តែបច្ចុប្បន្នរូបនាងមានផ្លូវចិត្តរឹងមាំវិញហើយ៕
ប្រភព៖ World Of Buzz
