ថ្មីៗនេះ ក្រុមហ៊ុនម៉ាកយីហោដ៏ល្បី Balenciaga កំពុងទាក់ទាញចំណាប់អារម្មណ៍មហាជនជាច្រើន នៅពេលដែលគេបានបញ្ចេញស្បែកជើងម៉ូដថ្មីហៅថា «Zero» ដែលជាម៉ូដ inspired ដោយជើងទទេ។
ស្បែកជើងថ្មីនេះដែរ គឺច្នៃឡើងជាផ្នែកមួយសម្រាប់ collection Fall Winter 2025។ វាច្នៃចេញពីប្រភេទស្នោ lightweight foam ដែលជាទូទៅត្រូវបានគេប្រើសម្រាប់ផលិតជាពូក ខ្នើយ ឬផលិតផលមួយចំនួនទៀត ក៏ព្រោះតែវាមានទម្ងន់ស្រាល និង ស្វិតល្អ។
ស្បែកជើងម៉ូដែល Zero នេះដែរច្នៃចេញមកមានតែបាត មានកន្លែងទ្រកែងជើង និង កន្លែងស៊កម្រាមមេជើងមួយប៉ុណ្ណោះ ដោយម្រាមជើងផ្សេងទៀតគឺមិនមានអ្វីបិទបាំង មើលទៅប្រៀបដូចជាដើរជើងទទេដូច្នោះដែរ។ គួរបញ្ជាក់ដែរថា ស្បែកជើងម៉ូដែល Zeo មាន ៤ ពណ៌ឱ្យជ្រើសរើសដូចជាពណ៌ខ្មៅ ពណ៌ត្នោតខ្ចី ពណ៌ត្នោតចាស់ និង ពណ៌ស រីឯតម្លៃវិញក្នុងមួយគូ ៤៧៥ ដុល្លារ៕
