កាលពីថ្ងៃទី ០៩ ខែកក្កដា ឆ្នាំ ២០២៥ កន្លងទៅ មានហេតុការណ៍ដ៏ភ្ញាក់ផ្អើលកើតឡើងនៅប្រទេសប៉ាគីស្ថានដោយបុរសម្នាក់ចិត្តឆៅលើកដៃបាញ់សម្លាប់កូនស្រីវ័យ ១៧ ឆ្នាំរបស់ខ្លួន ក្រោយរូបនាងបដិសេធមិនព្រមលុបគណនី TikTok នាងចោល។
ហេតុការណ៍ដ៏តក់ស្លុតនេះដែរកើតមានឡើងនៅតំបន់ Dhok Choudrain Takht Pari សង្កាត់ Rawalpindi ខេត្ត Punjab ប្រទេសប៉ាគីស្ថាន។ តាមប៉ូលិសបានឱ្យដឹងថា ជនរងគ្រោះត្រូវឪពុកប្រាប់ឱ្យលុបគណនី TikTok របស់នាងចោលជាច្រើនលើកច្រើនសា ប៉ុន្តែនាងមិនព្រមលុបឡើយ ជាហេតុធ្វើឱ្យលោកខឹងក៏ទាញកាំភ្លើងបាញ់សម្លាប់កូននៅនឹងកន្លែងតែម្ដង។
បច្ចុប្បន្ន ជនដៃដល់ជាឪពុកបានរត់គេចខ្លួនបាត់ ខណៈប៉ូលិសកំពុងបំបែកគ្នាតាមស៊ើប និង ចាប់រូបគេយកមកដាក់ទោសតាមផ្លូវច្បាប់៕
