នៅព្រឹកថ្ងៃទី ១១ ខែកញ្ញា ឆ្នាំ ២០២៥ នេះ ជាថ្ងៃជាពេលាល្អ ជាថ្ងៃដែលរំភើបបំផុតសម្រាប់អ្នកធ្វើវីដេអូដ៏ល្បី បូរ ភ័កត្រា ដោយលោកបានរៀបចំពិធីយ៉ាងធំអធិកអធ័ម មានមេបាចាស់ទុំមកជួបជុំ បំពាក់ចិញ្ចៀនស្ដីដណ្ដឹងគូស្នេហ៍ជានារីដ៏ស្រស់សោភារមរម្យ ប្ដូរឈ្មោះមកជាគូដណ្ដឹងនឹងគ្នាតាមប្រពៃណី។
ក្នុងថ្ងៃមង្គលនេះដែរ សង្កេតឃើញថាមានមហាជនអ្នកគាំទ្រជាច្រើន ក៏ដូចជាមិត្តភក្តិអ្នករួមការងារជាមួយលោក បូរ ភ័កត្រា បានសម្ដែងការអបអរ និង ជូនពរដល់គូស្នេហ៍ដ៏ស័ក្តិសមមួយគូនេះ។ ជាក់ស្ដែង ក្នុងនោះក៏មានការបង្ហោះវីដេអូពីសកម្មភាពក្នុងពិធីភ្ជាប់ពាក្យរបស់អ្នកធ្វើវីដេអូដ៏ល្បីរូបនេះ ដោយបង្ហាញឱ្យឃើញលោក បូរ ភ័កត្រា ឈរសម្លឹងកូនក្រមុំដ៏ស្រស់ស្អាតរបស់លោកញញឹមបិទមាត់មិនជិត ហើយក៏មានសកម្មភាពផ្អែមល្ហែមថើបខាងស្រីម្ដងហើយម្ដងទៀត រហូតខាងស្រីអៀនខ្លាំង។
ងាកមកមហាជនអ្នកគាំទ្រវិញ ក៏បាននាំគ្នាចូលទៅខមមិនព្រោងព្រាតពីក្រោមវីដេអូ ដោយខ្លះបានបង្ហាញការរំភើបអបអរជំនួស និង អ្នកខ្លះទៀតក៏អៀនជំនួសខាងស្រីព្រោះតែខាងប្រុសស្វីតខ្លាំងពេក៕
