ថ្មីៗនេះ តារាចម្រៀងប្រុសវ័យក្មេងរូបសង្ហាម្នាក់កំពុងផ្ទុះការចាប់អារម្មណ៍ខ្លាំងពាសពេញបណ្ដាញសង្គម TikTok ក៏ដោយសារតែស្ទីលលេងខ្លួនឡើងឆាករបស់លោកមានភាពច្នៃប្រឌិតខ្លាំងដែលមិនធ្លាប់ឃើញពីមុនមក។
ជាក់ស្ដែង តាមរយៈវីដេអូខ្លីមួយដែលកំពុងផ្ទុះចែកចាយពាសពេញ TikTok បានបង្ហាញឱ្យឃើញតារាចម្រៀងប្រុសរូបនោះស្ថិតក្នុងឈុតអាវក្រហម និង ខោប្រផេះ មើលទៅបែប swag swag ធម្មតា។ យ៉ាងណាមិញ អ្វីដែលមិនធម្មតា និង ទាក់ភ្នែកមហាជនខ្លាំងបំផុតនោះគឺវត្តមាមអាវក្នុងស្រីៗគ្រប់ម៉ូដចម្រុះពណ៌ដែលយកមកចងជាប់ពេញចង្កេះខោ និង លើសពីនេះមានមួយលោកកាន់ជាប់នឹងដៃទៀតផង។
ក្រោយវីដេអូនៃម៉ូដសម្លៀកបំពាក់របស់តារាចម្រៀងនេះបង្ហោះឡើង ឃើញថាមានអ្នកលេងបណ្ដាញសង្គម TikTok ជាច្រើននាំគ្នាចែករំលែកបន្ត និង ចូលបញ្ចេញមតិបែបលេងសើចព្រោងព្រាត៕
