តារាសម្ដែងប្រុស Choi Gwi Hwa ដែលសម្ដែងជាតួអង្គចិត្តអាក្រក់ក្នុងរឿង «Bon Appétit, Your Majesty» ជាព្រះអង្គម្ចាស់ Jesan មានមហិច្ឆតាចង់ដណ្ដើមរាជ្យ សង្កេតឃើញថានៅក្នុងភាគបញ្ចប់នៃរឿង តារាប្រុសរូបនេះពិតជាសម្ដែងសមខ្លាំងមែនទែនក្នុងនាមជាតួអាក្រក់នេះ រហូតដល់ថ្នាក់មហាជនអ្នកតាមដានទស្សនាមិនថាក្នុងប្រទេសកូរ៉េ ឬក្រៅប្រទេសនោះទេ បង្ហាញការស្អប់ក្នាញ់ចំពោះតួអង្គលោកគ្រប់គ្នា។
ជាក់ស្ដែង ខណៈអ្នកលេងបណ្ដាញសង្គមមួយចំនួនបានចូលទៅកាន់គណនី IG របស់លោក បញ្ចេញមតិកោតសរសើរពីទេពកោសល្យសម្ដែងជាតួអង្គចិត្តអាក្រក់បានល្អឥតខ្ចោះ ក៏ឃើញថាមានអ្នកគាំទ្រក្រៅប្រទេសខ្លះបានចូលទៅខមមិនពាក្យជេរប្រទេចជាភាសាកូរ៉េថា៖ «saekiyyaa!!» «shibal» ជាដើម ដើម្បីបង្ហាញអារម្មណ៍ស្អប់តួអង្គរបស់លោកក្នុងរឿងនេះ។
យ៉ាងណាមិញ ជាជាងការខឹងសម្បា តារាប្រុស Choi Gwi Hwa បែរជាឆ្លើយតបបែបអស់សំណើចលេងសើចទៅអ្នកគាំទ្រវិញថា៖ «ខ្ញុំត្រូវរស់នៅឱ្យបានយូរ ព្រោះថាអ្នកគាំទ្របរទេសកំពុងតែជេរខ្ញុំ ហាហាហា»៕
ប្រភព៖ AllKpop
