សង្វេគណាស់! មួយគ្រួសារ ៦ នាក់ បាត់ដំណឹងអស់ច្រើនថ្ងៃ ចុងក្រោយប្រទះឃើញស្លា-/ ប់ក្នុងហេតុការណ៍ដ៏រន្ធ../ត់មួយ

រឿងរ៉ាវដ៏គួរឱ្យតក់ស្លុត និង សង្វេគបំផុតមួយបានកើតឡើងក្នុងប្រទេសម៉ាឡេស៊ីនាពេលថ្មីៗកន្លងទៅនេះ ដោយគ្រួសារមួយមានសមាជិក ៦ នាក់ដែលបានបាត់ខ្លួនតាំងពីថ្ងៃទី ០៥ ខែកក្កដា ឆ្នាំ ២០២៥ ត្រូវបានប្រទះឃើញស្លាប់ក្នុងឡានដែលបើកធ្លាក់ចូលលិចក្នុងទន្លេ Sungai Korok រដ្ឋ Penang ប្រទេសម៉ាឡេស៊ី។

តាមការរៀបរាប់ពីប្រធាននាយកដ្ឋានពន្លត់អគ្គិភ័យ និង សង្គ្រោះប្រចាំតំបន់បានឱ្យដឹងថា ជនរងគ្រោះទាំងអស់បានរកឃើញស្លាប់ក្នុងឡានរបស់ពួកគេ អំឡុងក្រុមសង្គ្រោះចុះប្រតិបត្តិការរុករកកាលពីព្រឹកថ្ងៃទី ០៧ ខែកក្កដា ឆ្នាំ ២០២៥ កន្លងទៅ។

ជនរងគ្រោះទាំងអស់ត្រូវបានប្រទះឃើញនៅកៅអីខាងក្រោយរថយន្តទាំងអស់ ដោយប៉ូលិសជឿថា ពួកគេអាចព្យាយាមរត់គេចខ្លួនដែរ តែអកុសលរត់មិនរួច។

អត្តសញ្ញាណជនរងគ្រោះ ត្រូវបានបញ្ជាក់ដោយបងប្អូនប្រុសជាសាច់ញាតិ ដោយបញ្ជាក់ថា ពិតជាសាច់ញាតិដែលបានបាត់ខ្លួនទៅប៉ុន្មានថ្ងៃនោះមែន។ លោកបាននិយាយថា៖ «តាមពិតទៅ ពួកយើងបានស្វែងរកតាមទន្លេ Korok នេះតាំងពីថ្ងៃបងប្រុសរបស់ខ្ញុំបាត់ខ្លួនមកម៉្លេះ ប៉ុន្តែរកមិនឃើញអ្វីព្រោះទន្លេធំហើយជ្រៅ ហើយទឹកក៏ល្អក់ទៀត។ រហូតដល់ព្រឹកនេះ ពេលទឹកស្រកចុះខ្លះ ក៏មានអ្នកប្រទះឃើញដំបូលឡាន ហើយពួកយើងក៏ប្រញាប់ទៅទីនោះភ្លាម ស្រង់សពចេញពីឡានមកហើយក៏ប្រាកដថាជាសាច់ញាតិដែលបានបាត់ខ្លួនទៅមែន»។

បច្ចុប្បន្ន ករណីគ្រោះថ្នាក់ចរាចរណ៍នេះដែរ ខាងអាជ្ញាធរនៅបន្តស៊ើបអង្កេតបន្ថែមនៅឡើយ៕

ប្រភព៖ Kenh14