ថ្មីៗនេះ វីដេអូមួយបង្ហាញឱ្យឃើញពីសភាពរបស់តារាសម្ដែងស្រី Zhao Lusi តស៊ូព្យាបាលជំងឺរយៈពេលមួយខែ មានទាំងសភាពនាងកំពុងស្ថិតក្នុងស្ថានភាពធ្ងន់ធ្ងរដូចជាប្រកាច់ ពិបាកដើរ និង ពិបាកញ៉ាំជាដើម បានធ្វើឱ្យអ្នកគាំទ្រនាងជាច្រើនតក់ស្លុតខ្លោចចិត្តចំពោះតារាស្រីរូបនេះជាខ្លាំង។
គួរឱ្យដឹងថា តារាសម្ដែងស្រី Zhao Lusi បានកើតមានជំងឺផ្លូវចិត្តម្យ៉ាងហៅថា Dissociative Conversion Disorder ដែលជាវិបត្តិផ្លូវចិត្តនាំឱ្យអ្នកជំងឺខ្វាក់ ខ្វិន ឬពិការផ្នែកខ្លះនៃអវយវៈឬដងខ្លួនជាបណ្ដោះអាសន្ន។ ដូចជាករណីរបស់ Zhao Lusi ជំងឺមួយនេះបានធ្វើឱ្យនាងពិការរាងកាយបណ្ដោះអាសន្ន និង ថែមទាំងបាត់បង់សមត្ថភាពក្នុងការនិយាយស្ដីថែមទៀតផង។
តាមរយៈវីដេអូដែលបានទម្លាយពីស្ថានភាពជំងឺរបស់ Zhao Lusi កាលពីខែមុននេះ បានបង្ហាញឱ្យឃើញសភាពនាងធ្ងន់ធ្ងរគួរឱ្យបារម្ភជាខ្លាំង ដោយក្បាលវីដេអូបង្ហាញឱ្យឃើញនាងកំពុងស្ថិតក្នុងសភាពប្រកាច់ខណៈត្រូវបានគេលើកពីគ្រែ។ ក្រោយមក វីដេអូក៏បង្ហាញឱ្យឃើញនាងជួបផលលំបាកក្នុងការដើរ ញ៉ាំ និង ការព្យាយាមលើដៃពីរបង្ហាញឱ្យឃើញពីសភាពនាងកំពុងតស៊ូប្រឆាំងនឹងជំងឺក្នុងខ្លួនដែលកំពុងកើតមាន។
យ៉ាងណាមិញ ភាពរឹងមាំ និង ការតស៊ូជម្នះនឹងជំងឺរបស់នាងត្រូវបានបង្ហាញក្នុងវីដេអូផងដែរ ដោយឃើញថារូបនាងអាចទាញខ្លួនឯងមកវិញបាន រហូតអាចដើរបានធម្មតា អាចញ៉ាំបានធម្មតា និង ចុងបញ្ចប់នៃវីដេអូគឺជាសភាពរូបនាងបង្ហាញខ្លួនមកជួបអ្នកគាំទ្រវិញជាលើកដំបូង ក្រោយសំងំព្យាបាលខ្លួនរយៈពេល ១ ខែមកនោះ៕
ទស្សនាវីដេអូខាងក្រោម៖
