កាលពីថ្ងៃទី ០៦ ខែមីនា ឆ្នាំ ២០២៥ កន្លងទៅ មនុស្សចំនួន ១៥ នាក់នៅប្រទេសកូរ៉េខាងត្បូងបានរងរបួសដោយក្នុងនោះមាន ២ នាក់រងរបួសធ្ងន់ ក្រោយយន្តហោះចម្បាំងចំនួន ២ គ្រឿងបានជួបបញ្ហាបច្ចេកទេសទម្លាក់គ្រាប់ចំនួន ៨ លើតំបន់ពលរដ្ឋរស់នៅអំឡុងពេលធ្វើសមយុទ្ធ។
ហេតុការណ៍នេះដែរកើតមានឡើងនៅវេលាម៉ោងប្រមាណ ១០ និង ០៤ នាទីព្រឹក (ពេលវេលាក្នុងតំបន់) ដោយយន្តហោះចម្បាំង KF-16 បានធ្វើការហាត់សមយុទ្ធទម្លាក់គ្រាប់ពិតនៅក្រុង Pocheon ជិតព្រំប្រទល់ប្រទេសកូរ៉េខាងជើង។ កងទ័ពអាកាសប្រទេសកូរ៉េខាងត្បូងបានលើកឡើងដែរថា ពួកគេនឹងធ្វើការស៊ើបអង្កេតលើហេតុការណ៍មួយនេះ និង បានធ្វើការសុំទោសពលរដ្ឋចំពោះការខូចខាតរួមទាំងសន្យានឹងផ្ដល់សំណងទៅអ្នកដែលប៉ះពាល់ផងដែរ។
គួរបញ្ជាក់ផងដែរថា តាមការសន្និដ្ឋានបឋមខាងកងទ័ពជឿថា ពីឡុតម្នាក់ក្នុងយន្តហោះចម្បាំងមួយបានហោះចូលទៅខុសគោលដៅទើបបណ្ដាលឱ្យគ្រាប់បែកធ្លាក់ធ្លាក់ទៅចំតំបន់ពលរដ្ឋរស់នៅ តែយ៉ាងណា ខាងអ្នកស៊ើបអង្កេតនៅមិនទាន់បានរកឃើញមូលហេតុឡើយថាហេតុអ្វីបានជាយន្តហោះចម្បាំងទី ២ ទម្លាក់គ្រាប់តាមដែរ។ បច្ចុប្បន្ន ការធ្វើសមយុទ្ធទម្លាក់គ្រាប់ពិតគឺត្រូវបានផ្អាកជាបណ្ដោះអាសន្ន៕
