នៅថ្ងៃទី ២៩ ខែសីហា ឆ្នាំ ២០២៥ នេះ តុលាការធម្មនុញ្ញថៃបានសម្រេចដកហូតតំណែងនាយករដ្ឋមន្ត្រីពីលោកស្រី Paetongtarn Shinawatra ជាផ្លូវការហើយ ក្រោយព្យូរតំណែងអស់រយៈពេលជិត ២ ខែ ជុំវិញបណ្ដឹងចោទប្រកាន់ពីសមាជិកព្រឹទ្ធសភាថៃថាលោកស្រីមានភាពមិនស្មោះត្រង់ និង បំពានក្រមសីលធម៌នៃរដ្ឋធម្មនុញ្ញ អំឡុងពេលនិយាយទូរស័ព្ទដោះស្រាយបញ្ហាវិវាទព្រំដែងជាមួយសម្តេចតេជោ ហ៊ុន សែន ដោយកិច្ចសន្ទនានោះក្រោយមកត្រូវបានបែកធ្លាយជាសាធារណៈ។
យ៉ាងណាមិញ ឥឡូវនេះសារព័ត៌មានថៃ Khaosod បានបញ្ចេញឈ្មោះបេក្ខភាពនាយករដ្ឋមន្ត្រីដែលនៅសល់ចំនួន ៥ នាក់ ដែលនឹងជាប់ឈ្មោះក្លាយជានាយករដ្ឋមន្ត្រីបន្ទាប់ពីលោកស្រី Paetongtarn Shinawatra។
ក្នុងចំណោមបេក្ខភាពទាំង ៥ នាក់រួមមានអតីតនាយករដ្ឋមន្ត្រីថៃ Prayut Chans-o-cha, មេដឹកនាំគណបក្សប្រឆាំង Bhumjai Thai លោក Anutin Charnveerakul និង បេក្ខភាពចុងក្រោយមកពីគណបក្ស Pheu Thai លោក Chaikasem Nitisiri ផងដែរ៕
