គ្រូគង្វាល (អាចារ្យ) ម្នាក់នៅអាហ្វ្រិកខាងត្បូង បានបង្កការភ្ញាក់ផ្អើលពេញរោងពិធីបុណ្យសព នៅពេលរូបលោកធ្វើការលុតជង្គង់សុំស្ត្រីមេម៉ាយម្នាក់រៀបការទាំងនៅពីមុខមឈូសរបស់ស្វាមីរបស់រូបនោះ។
តាមសារព័ត៌មាន Kalahari Reporters បានបង្ហាញទិដ្ឋភាពរបស់ស្ត្រីម្នាក់ដែលកំពុងអង្គុយយំសោកពីមុខមឈូសរបស់ស្វាមីដែលកំពុងរៀបចំធ្វើពិធីបុណ្យ ខណៈលោកអាចារ្យម្នាក់កំពុងធ្វើពិធីនៅពីមុខនោះ។ ភ្លាមៗ ស្រាប់តែលោកអាចារ្យវ័យក្មេងរូបនោះក៏បានបែរខ្លួនមករកស្ត្រីជាប្រពន្ធរបស់សព ហើយក៏លុតជង្គង់មុខនាង ដៃម្ខាងកាន់មៃក្រូហ្វូននិយាយប្រកាសសុំនាងរៀបការកណ្ដាលរោងពិធីបុណ្យតែម្ដង។
សម្រែកនៃការស្រែកយំនៅឮពេញរោងបុណ្យ ខណៈលោកអាចារ្យខាងលើកំពុងលើកចិញ្ចៀនបំពាក់លើម្រាមដៃស្ត្រីជាភរិយារបស់សព ដែលបញ្ជាក់ច្បាស់ៗថា នាងបានព្រមស្ម័គ្ររៀបការហើយ។ យ៉ាងណាមិញ សកម្មភាពទាំងនេះដែរបានទទួលមតិប្រតិកម្មវែកញែកយ៉ាងច្រើនពីមហាជននៅតាមបណ្ដាញសង្គម៕
ប្រភព៖ 9GAG
