គ្រោះរញ្ជួយដីដ៏ខ្លាំងក្លាកម្រិត ៧.៨ រ៉ិចទ័រ បានវាយប្រហារក្បែរឈូងសមុទ្រខាងកើតនៃឧបទ្វីប Kamchatka ប្រទេសរុស្ស៊ី បង្កជាជារង្គើអគារ និង ផ្ទះសម្បែងជាច្រើន ប៉ុន្តែមិនទាន់ការរាយការណ៍ពីការខូចខាតអ្វីនៅឡើយ។
តាមទីភ្នាក់ស្ទាបស្ទង់ភូមិសាស្ត្ររបស់អាមេរិក (USGS) បានរកឃើញថា ចំណុចកណ្ដាលនៃគ្រោះរញ្ជួយដីនេះស្ថិតនៅចម្ងាយប្រមាណ ១២៧ គីឡូម៉ែត្រភាគខាងកើតក្រុង Petropavlovsk-Kamchatsky ដែលបានកើតឡើងនៅវេលាម៉ោង ៦ និង ៥៨ នាទីព្រឹក ថ្ងៃទី ១៩ ខែកញ្ញា ឆ្នាំ ២០២៥ (ពេលវេលាក្នុងតំបន់) ក្នុងជម្រៅ ១០ គីឡូម៉ែត្រ។
ដោយឡែក បើតាមទីភ្នាក់ងារភូមិសាស្ត្រជាតិនៅរុស្ស៊ី បានប៉ាន់ប្រមាណឃើញថាគ្រោះរញ្ជួយដីនោះមានកម្រិត ៧.៤ រ៉ិចទ័រ និង មានគ្រោះរញ្ជួយដីតូចៗតាមក្រោយចំនួន ៥ ដងទៀត។ ជាមួយគ្នានោះ ប្រព័ន្ធប្រកាសអាសន្នពីរលកយក្សស៊ូណាមិប៉ាស៊ីហ្វិក (PWS) ក៏បានចេញការព្រមានពីរលកស៊ូណាមិដែរ តែក្រោយមកក៏បានដកការព្រមានចេញវិញ៕
