យន្តហោះក្រុមហ៊ុន Air India មួយគ្រឿង ដឹកមនុស្សសរុប ២៤២ នាក់ ដែលហោះឆ្ពោះទៅទីក្រុង ឡុងដុង ប្រទេសអង់គ្លេស បានធ្លាក់ភ្លាមៗក្រោយហោះចេញពីព្រលានយន្តហោះ Ahmedabad រដ្ឋ Gujarat ប្រទេសឥណ្ឌា នេះបើតាមការចេញផ្សាយពីសារព័ត៌មាន Daily Mail។
តាមរូបភាពស្ដែងៗថតបាននៅកន្លែងកើតហេតុ បង្ហាញឱ្យឃើញផ្សែងខ្មៅខ្មួលខ្មាញ់សាយភាយចេញពីទីតាំងធ្លាក់ក្បែរព្រលានកាលពីព្រឹកថ្ងៃទី ១២ ខែមិថុនា នេះ។ ចំពោះមូលហេតុបណ្ដាលឱ្យធ្លាក់យន្តហោះនេះនៅមិនទាន់បានដឹងនៅឡើយទេ ខណៈភ្នាក់ងារសង្គ្រោះបន្ទាន់កំពុងចុះទៅទីតាំងកន្លែងកើតហេតុ៕
