រន្ធ-/ត់! ធ្លាក់ឧទ្ធម្ភាគចក្រយោធានៅហ្គាណា ស្លា-/ប់រដ្ឋមន្ត្រីអស់ ២ នាក់ និង មន្ត្រីជាន់ខ្ពស់ជាច្រើននាក់

ឧទ្ធម្ភាគចក្រយោធាមួយគ្រឿងនៅប្រទេសហ្គាណា បានធ្លាក់កាលពីព្រឹកថ្ងៃទី ០៦ ខែសីហា ឆ្នាំ ២០២៥ (ពេលវេលាក្នុងតំបន់) នៅតំបន់ Ashanti បណ្ដាលឱ្យមនុស្សចំនួន ៨ នាក់លើនោះត្រូវបាត់បង់ជីវិតទាំងអស់។ ក្នុងចំណោមជនរងគ្រោះទាំងនោះ មានរដ្ឋមន្ត្រីក្រសួងការពារជាតិម្នាក់ រដ្ឋមន្ត្រីក្រសួងបរិស្ថានម្នាក់ រួមជាមួយមន្ត្រីជាន់ខ្ពស់ច្រើននាក់ផ្សេងទៀត។

ឧទ្ធម្ភាគចក្រយោធា Z9 របស់ប្រទេសហ្គាណា បានហោះចេញពីក្រុង Accra វេលាម៉ោង ៩ និង ១២ នាទីព្រឹក ថ្ងៃទី ០៦ ខែសីហា ឆ្នាំ ២០២៥ ដោយគ្រោងនឹងចុះចតនៅក្រុង Obuasi។ ក្រោយមក ឧទ្ធម្ភាគចក្រក៏បាត់សញ្ញាទាក់ទង និង ធ្លាក់តែម្ដង បណ្ដាលឱ្យមនុស្សចំនួន ៨ នាក់លើនោះ ភាគច្រើនសុទ្ធតែជារដ្ឋមន្ត្រី និង មន្ត្រីជាន់ខ្ពស់ត្រូវបាត់បង់ជីវិតទាំងអស់។

ក្រោយហេតុការណ៍ដ៏តក់ស្លុតនេះ លោក Julius Debrah អគ្គសេនាធិការរបស់ប្រធានាធិបតីប្រទេសហ្គាណា ប្រកាសឱ្យមានការកាន់ទុក្ខទូទាំងប្រទេសជាមួយការបង្ហូតទង់ជាតិត្រឹមពាក់កណ្ដាលរហូតដល់ថ្ងៃជូនដំណឹងវិញ៕

រដ្ឋមន្ត្រីក្រសួងការពារជាតិ

រដ្ឋមន្ត្រីក្រសួងបរិស្ថាន