សកម្មជនអភិរក្សនិយម លោក Charlie Kirk ជាមនុស្សជំនិតដ៏មានឥទិ្ធពលមួយរូបរបស់លោកប្រធានាធិបតី ដូណាល់ ត្រាំ ត្រូវបានខ្មាន់កាំភ្លើងបាញ់សម្លាប់ កាលពីវេលាម៉ោងប្រមាណ ១២ និង ២០ នាទី ថ្ងៃត្រង់ ថ្ងៃទី ១០ ខែកញ្ញា ឆ្នាំ ២០២៥ (ពេលវេលាក្នុងតំបន់) ខណៈពេលរូបលោកកំពុងធ្វើការសំណេះសំណាល់ជាមួយក្រុមនិស្សិតនៅបរិវេណសាកលវិទ្យាល័យ Utah Valley University នាក្រុង Orem រដ្ឋ Utah សហរដ្ឋអាមេរិក។
តាមការបញ្ជាក់ពីមន្ត្រីនៅសហរដ្ឋអាមេរិក បានប៉ាន់ប្រមាណថាក្នុងកម្មវិធីសំណេះសំណាលនៅសាកលវិទ្យាល័យនោះ មានមនុស្សប្រមាណជា ៣ ពាន់នាក់បានចូលរួម ហើយជឿថាជនសង្ស័យទំនងជាធ្វើការបាញ់ប្រហារពីលើដំបូលមក។
តាមរយៈវីដេអូស្ដែងៗនៅពេលកើតហេតុបានបង្ហាញឱ្យឃើញលោក Charlie Kirk អង្គុយមួយសន្ទុះក៏ទាញមៃក្រូយកមកនិយាយ បានបន្តិចក្រោយមកក៏ស្រាប់ឮស្នូរកាំភ្លើង ហើយលោក Charlie Kirk បានយកដៃស្ទាបករួចក៏ដួលធ្លាក់ពីលើកៅអី បង្កជាចលចលពេញនោះតែម្ដង៕
