ថ្មីៗនេះ ស្ត្រីជនជាតិចិនម្នាក់បានបង្ហោះវីដេអូខ្លួនឯងមួយបណ្ដាលឱ្យផ្ទុះការចាប់អារម្មណ៍ខ្លាំងមែនទែនពីមហាជននៅតាមបណ្ដាញសង្គម។ ក្នុងវីដេអូនោះដែរ ស្ត្រីខាងលើស្ថិតក្នុងសភាពយំខ្សឹកខ្សួលខណៈខ្លួនកំពុងបើកឡានដោយទម្លាយថារូបនាងបានដឹងរឿងសម្ងាត់ដ៏ភ្ញាក់ផ្អើលរបស់ប្ដី។
តាមការបង្ហោះ នាងបានទម្លាយថា ប្ដីបានប្រាប់នាងថាមានការត្រូវចុះទៅធ្វើការនៅក្រុង Nanjing ប៉ុន្តែឥលូវនាងបែរជាសង្ស័យថាប្ដីនាងមិនមែនទៅធ្វើការនោះឡើយ តែទៅទីនោះដើម្បីជួបស្រីស្នេហ៍។ ការសង្ស័យថាប្ដីលួចមានស្រីគឺកើតឡើងក្រោយនាងរកឃើញថាប្ដីបានឆាតជាមួយស្រីម្នាក់ឈ្មោះ ហុង លើកម្មវិធីរកគូស្នេហ៍ ហើយនាងក៏រកឃើញភស្តុតាងមួយចំនួនទៀតទាំងការផ្ញើសារ និង ការផ្ញើលុយទៅឱ្យស្រីជាច្រើនលើក។
មិនត្រឹមប៉ុណ្ណឹងទេ អ្វីដែលធ្វើឱ្យនាងឈឺចាប់ខ្លាំងបំផុតនោះគឺនាងបានរកឃើញប្រដាប់តេស្តរកមេរោគអេដស៍នៅក្នុងផ្ទះ ដោយលទ្ធផលចេញមកវិជ្ជមានទៀត។ នាងពិតជាតក់ស្លុតគិតអ្វីមិនចេញរហូតសួរមហាជនតាមបណ្ដាញសង្គមថា តើនាងគួរទៅពេទ្យពិនិត្យខ្លួនដែរឬអត់? នាងបានសរសេរថា៖ «ផ្លូវចិត្តខ្ញុំបែកខ្ញែកអស់ហើយ ខ្ញុំបានរកឃើញវានៅក្នុងផ្ទះ តើខ្ញុំគួរធ្វើមិចទៅ? ខ្ញុំគួរតែទៅពេទ្យដែរអត់?»៕
ប្រភព៖ World Of Buzz
