បុរសម្នាក់នៅប្រទេសឥណ្ឌា បានលោតចុះពីលើស្ពានចូលទឹកទន្លេ Yamuna ដែលកំពុងហូរខ្លាំងហើយក៏ត្រូវទឹកហូរកួចយកទៅបាត់ ក្រោយលេង challenge ជាមួយមិត្តភក្តិដើម្បីឈ្នះលុយ ៥០០ រ៉ូពី (ប្រមាណជាង ៥ ដុល្លារ)។
ហេតុការណ៍នេះដែរបានកើតឡើងកាលពីថ្ងៃទី ០៤ ខែកញ្ញា ឆ្នាំ ២០២៥ កន្លងទៅ នៅទន្លេ Yamuna រដ្ឋ Uttar Pradesh ប្រទេសឥណ្ឌា។ ជនរងគ្រោះមានឈ្មោះ Mohd Junaid អាយុ ១៩ ឆ្នាំ បើតាមវីដេអូនៅថ្ងៃកើតហេតុបង្ហាញឱ្យឃើញ Junaid ឡើងលើបង្កាន់ដៃស្ពាន រួចក៏លោតចុះទៅក្នុងទន្លេ ខណៈមិត្តភក្តិរបស់គេនាំគ្នាស្រែកហ៊ោសប្បាយ។
ដល់ក្នុងទឹក ជនរងគ្រោះងើបក្បាលមកបានប៉ុន្មានវិនាទី ព្យាយាមហែលឡើងគោកវិញ ប៉ុន្តែដោយទឹកហូរខ្លាំងពេក គេក៏អស់កម្លាំងរួចក៏លង់ហើយត្រូវទឹកហូរកួចយកទៅបាត់។
ប៉ូលិស និង ក្រុមសង្គ្រោះប្រចាំរដ្ឋ បានចុះប្រតិបត្តិការរុករកភ្លាមៗផងដែរ ប៉ុន្តែនៅតែមិនអាចរកជនរងគ្រោះឃើញ ព្រោះតែទឹកហក់ឡើងខ្លាំងដោយសារភ្លៀងធ្លាក់ខ្លាំងប៉ុន្មានថ្ងៃ៕
