ដូចដែលបានរួចមកហើយ តារាសម្ដែងចិន Xu Kai ថ្មីៗនេះកំពុងក្លាយជាប្រធាបទក្ដៅគគុកពាសពេញបណ្ដាញសង្គមនៅប្រទេសចិន ពាក់ព័ន្ធនឹងរឿងអាស្រូវស្នេហា និង ការផិតក្បត់ ដែលបកលាតត្រដាងដោយ Xu Lisha អះអាងថាជាសង្សារលោក។
យ៉ាងណាមិញ ខណៈរឿងរ៉ាវមួយនេះកំពុងក្ដៅខ្លាំង នៅថ្ងៃទី ២២ ខែសីហា ឆ្នាំ ២០២៥ ខាងស្ទូឌីយោរបស់ Xu Kai បានចេញលិខិតប្រកាសមួយឆ្លើយតបលើរឿងអាស្រូវមួយនេះ។
ក្នុងលិខិតនោះបានបញ្ជាក់អះអាងថា បច្ចុប្បន្ន Xu Kai គឺ single និង បដិសេធទាំងស្រុងលើរាល់ចចាមអារ៉ាមពាក់ព័ន្ធនឹងអំពើផិតក្បត់។ ពួកគេបកស្រាយបន្ថែមទៀតថា នារីដែលចេញមុខមកនោះ (Xu Lisha) គឺធ្លាប់មានទំនាក់ទំនងជាមួយ Xu Kai ត្រឹមរយៈពេលខ្លីប៉ុណ្ណោះ ហើយក៏មិនដែលទាក់ទងគ្នាអ្វីតទៅទៀតយូរឆ្នាំមកហើយ។
ចំពោះការបែកធ្លាយឆាត ខាងក្រុមហ៊ុនគឺច្រានចោលដោយលើកឡើងថាឆាតទាំងនោះគឺប្រឌិតឡើងក្លែងក្លាយប៉ុណ្ណោះ។ ស្ថានការណ៍ដែលកើតឡើងគឺធ្វើឡើងក្នុងបំណងបំផ្លាញកេរ្តិ៍ឈ្មោះរបស់ Xu Kai។
ក្រុមហ៊ុនរបស់ Xu Kai បានបញ្ជាក់ទៀតថា ពួកគេបានរាយការណ៍រឿងនេះទៅកាន់ប៉ូលិសហើយ និង ត្រៀមចាត់វិធានការណ៍តាមផ្លូវច្បាប់៕
ប្រភព៖ Overseasidol
