សារព័ត៌មានថៃ The Nation បានចេញផ្សាយថា ត្រឹមរយៈពេល ២៤ ម៉ោងថ្ងៃទី ២០ ខែមេសា ឆ្នាំ ២០២៥ ម្សិលមិញនេះ មានករណីគ្រោះរញ្ជួយដីរហូតដល់ទៅ ១៥ ដងជាប់គ្នារង្គើពាសពេញខេត្ត Chiang Mai ខេត្ត Mae Hong Son និង នៅតាមព្រំដែនថៃ-មីយ៉ាន់ម៉ា។
គ្រោះរញ្ជួយដីនោះដែរកើតមានឡើងនៅវេលាចន្លោះម៉ោង ១២ និង ២៤ នាទីរំលងអធ្រាត្រ និង ម៉ោង ៩ និង ៤៦ នាទីព្រឹក។ ការរញ្ជួយដីកម្រិតខ្លាំងជាងគេបំផុតគឺនៅវេលាម៉ោង ១ និង ៤១ នាទីយប់ជាមួយកម្រិត ៣.៣ រ៉ិចទ័រ ដោយចំណុចកណ្ដាលស្ថិតនៅក្នុងប្រទេសមីយ៉ាន់ម៉ា។
ដោយឡែក នៅព្រឹកថ្ងៃទី ២១ ខែមេសា ឆ្នាំ ២០២៥ នេះ តាមនាយកដ្ឋានផ្នែកឧតុនិយមប្រទេសថៃបានឱ្យដឹងថា នៅខេត្ត Mae Hong son និង តាមព្រំដែនមីយ៉ាន់ម៉ា រងការវាយប្រហារដោយគ្រោះរញ្ជួយដីចំនួន ៧ ថែមទៀត។ ៦ ក្នុងចំណោមគ្រោះរញ្ជួយដីនោះកើតមាននៅចន្លោះពាក់កណ្ដាលអធ្រាត្រ និង ម៉ោង ៧ ព្រឹក ដោយចំណុចកណ្ដាលស្ថិតនៅប្រទេសមីយ៉ាន់ម៉ា ខណៈមួយទៀតរញ្ជួយនៅសង្កាត់ Pai ក្នុងខេត្ត Mae Hong Son។ គ្រោះរញ្ជួយដីខ្លាំងជាងគេមានកម្រិត ៤.៣ រ៉ិចទ័រ វាយប្រហារប្រទេសមីយ៉ាន់ម៉ានៅវេលាម៉ោង ៤ និង ១៧ នាទីព្រឹក៕
ប្រភព៖ World Of Buzz
