បុរសជនជាតិឥណ្ឌាម្នាក់ នៅរដ្ឋ Karnataka បានទទួលការចាប់អារម្មណ៍ពីសាធារណជនក្នុងស្រុកជាខ្លាំង ក្រោយរូបលោកទម្លាយថា លោកផឹកតែប្រេងម៉ាស៊ីនជំនួសទឹកមកជាប្រចាំ ក្នុងរយៈពេល ៣៣ ឆ្នាំមកនេះ។
បុរសខាងលើ ដែលមានឈ្មោះហៅក្រៅថា Oil Kumar បើតាមសារព័ត៌មាន NDTV បានឱ្យដឹងថា លោកគឺមិនដែលធ្លាប់ចូលព្យាបាលជំងឺនៅមន្ទីរពេទ្យ ឬជួបបញ្ហាសុខភាពធ្ងន់ធ្ងរដល់ថ្នាក់ប្រើប្រាស់ថ្នាំអ្វីឡើយ។ តាមឱ្យដឹង ទម្លាប់ប្រចាំថ្ងៃរបស់លោក គឺផឹកប្រេងម៉ាស៊ីនពី ៧ ទៅ ៨ លីត្រជារៀងរាល់ថ្ងៃ រួមជាមួយទឹកតៃប៉ុន្មានពែងដែរ។
ក្រោយរឿងរ៉ាវ និង វីដេអូរបស់បុរសចម្លែកនេះត្រូវបានចែកចាយ មានមហាជនជាច្រើនប្រតិកម្មមិនជឿនោះឡើយ ខណៈមួយចំនួនទៀតរិះគន់ថា វីដេអូបែបនេះគឺគ្រោះថ្នាក់ណាស់ ពេលចែកចាយទៅអាចនឹងមានអ្នកចង់ធ្វើតាម។ ជាមួយគ្នានោះដែរ ខាងក្រុមគ្រូពេទ្យជំនាញក៏បានព្រមានពីការផឹកប្រេងម៉ាស៊ីននេះផងដែរ ដោយគ្រូពេទ្យលើកឡើងថា សារធាតុគីមីក្នុងប្រេងម៉ាស៊ីនគឺគ្រោះថ្នាក់ខ្លាំងណាស់ចំពោញសុខភាពមនុស្ស៕
