ថ្មីៗនេះ កោះល្បី Gran Canaria នៅប្រទេសអេស្ប៉ាញបានជួបប្រទះជំនន់ទឹកភ្លៀងធ្ងន់ធ្ងរបណ្ដាលឱ្យផ្លូវនានាលើកោះត្រូវទឹកហូរខ្មួលខ្មាញ់អូសទាញឡានជាច្រើនអណ្តែតចូលពេញសមុទ្រ ខណៈរដ្ឋាភិបាលដាក់ចេញការព្រមានភ្លាមដល់ភ្ញៀវទេសចរទាំងអស់លើកោះបើអាចកុំទាន់ចេញទៅខាងក្រៅ។
ភ្លៀងធ្លាក់យ៉ាងគំហុកបានធ្វើឱ្យដងផ្លូវជាច្រើននៅលើកោះត្រូវទឹកហូរកាត់ដូចទន្លេ នាំយកដីល្បាប់ភក់រួមទាំងយានយន្តជាច្រើនហូរតាមទឹកពាសពេញទាំងកោះ។ ដូចបានឃើញក្នុងវីដេអូ រថយន្តជាច្រើនត្រូវបានទឹកជំនន់ហូរទាញចូលសមុទ្រ ខណៈមួយចំនួនផ្សេងទៀតក្រឡាប់បះជើងឡើងលើ ឬរងការខូចខាតធ្ងន់ធ្ងរ។
0
ក្រោយមកភ្លាមៗ ខាងក្រុមសង្គ្រោះរួមទាំងពលរដ្ឋក្នុងតំបន់បានចាប់ផ្ដើមធ្វើការបោសសម្អាតដីភក់ល្បាប់ពីដងផ្លូវ និង ផ្ទះសម្បែងក្នុងតំបន់ Salinetas ក្រុង Telda ដែលជាតំបន់ដែលរងការប៉ះពាល់ខ្លាំងក្លាជាងគេ។ គួរឱ្យដឹងផងដែរថា បើតាមខាងភ្នាក់ងារឧតុនិយមប្រចាំប្រទេសអេស្ប៉ាញបានព្យាករណ៍ថា អាកាសធាតុរំពឹងថានឹងមានភាពប្រសើរឡើងចាប់ពីថ្ងៃទី ០៥ ខែមីនា ឆ្នាំ ២០២៥ នេះតទៅ៕
