រឿងរ៉ាវដ៏គួរឱ្យចាប់អារម្មណ៍នៃប្រពៃណីទំនៀមទម្លាប់របស់មនុស្សក្នុងភូមិមួយនៅប្រទេសវៀតណាម ដោយប្រុសៗណាដែលចង់រៀបការសាងគ្រួសារ នោះពួកគេត្រូវតែហ៊ានលះបង់ដៃពួកគេទាំងសងខាង និង ផ្ដល់ឱ្យទៅគូដណ្ដឹងដើម្បីជាថ្លៃបណ្ណាការ។
អ្វីដែលកាន់តែចាប់អារម្មណ៍ជាងនេះទៀតនោះ នៅពេលដែលមនុស្សប្រុសបាត់បង់ដៃទាំងពីររបស់ពួកគេ ប្រពន្ធពួកគេគឺមានការពេញចិត្តជាខ្លាំង។ គួរឱ្យដឹងផងដែរថា ក្រោយត្រូវពិការដៃហើយនោះ បុរសជាស្វាមីនឹងត្រូវទទួលបានការមើលថែយ៉ាងដិតដល់ពីប្រពន្ធជារៀងរាល់ថ្ងៃ សូម្បីតែទៅបន្ទប់ទឹកក៏ប្រពន្ធជាអ្នកជួយផងដែរ។
ទំនៀមទម្លាប់ដ៏ចម្លែកមិនធ្លាប់ឃើញពីមុននេះផងដែរ គឺត្រូវបានអនុវត្តដោយពលរដ្ឋរស់នៅក្នុងភូមិតាមតំបន់ភ្នំមួយនាប្រទេសវៀតណាមដោយមនុស្សប្រុសពេលពេញវ័យហើយចង់រៀបការមានប្រពន្ធនឹងគេ នោះពួកគេត្រូវតែកាត់ដៃចោលព្រោះពួកគេជឿថានេះជាវិធីតែមួយគត់ដែលអាចបញ្ជាក់ចិត្តស្មោះចំពោះប្រពន្ធ។ បុរសណាដែលនៅស្រឡាញ់ដៃមិនព្រមកាត់ចេញ នោះពួកគេនឹងគ្មានថ្ងៃបានប្រពន្ធរៀបការក្នុងភូមិនោះឡើយ និង ថែមទាំងរងការមាក់ងាយពីអ្នកក្នុងភូមិទាំងមូលទៀតផង។
លើសពីនេះទៅទៀតនោះ មនុស្សប្រុសណាដែលមានដៃពេញលក្ខណៈក៏ត្រូវបានអ្នកភូមិចាត់ទុកជាបិសាចចម្លែក ផ្ទុយទៅវិញ ចំពោះបុរសដែលពិការដៃគឺមានសិទ្ធិធ្វើអ្វីតាមដែលខ្លួនចង់បាន មានមោទកភាពចំពោះខ្លួនឯង និង ថែមទាំងសើចហួសចិត្តពេលឃើញអ្នកដែលមានដៃពេញលក្ខណៈទៀងផង។
គួរឱ្យដឹងផងដែរថា បើទោះជាបុរសៗក្នុងភូមិនោះមិនមានប្រអប់ដៃដូចមនុស្សទូទៅក៏ពិតមែន ប៉ុន្តែនៅតែអាចមានសមត្ថភាពធ្វើអ្វីបានដូចមនុស្សទូទៅដដែល ដូចជាការលេងព្យាណូ លេងអុក គូរគំនូរ និង អាចជិះម៉ូតូឌុបប្រពន្ធទៅផ្សារជាដើម៕
