ភ្លៀងធ្លាក់ខ្លាំងដោយសារព្យុះទីហ្វុង វីពផា បណ្ដាលឱ្យទឹកទន្លេហក់ឡើងបង្កជាទឹកជំនន់ធ្ងន់ធ្ងរនៅតាមតំបន់ជាច្រើនក្នុងប្រទេសហ្វីលីពីន រហូតពលរដ្ឋរាប់ម៉ឺននាក់ត្រូវបង្ខំឱ្យជម្លៀសខ្លួនរកកន្លែងមានសុវត្ថិភាពភ្លាមៗ។
ភ្លៀងធ្លាក់ខ្លាំងក្លានៅយប់ថ្ងៃទី ២១ ខែកក្កដា ឆ្នាំ ២០២៥ បណ្ដាលឱ្យទឹកទន្លេ Marikina នៅក្រុងម៉ានីល ហក់ឡើងខ្លាំង ធ្វើឱ្យពលរដ្ឋជាង ២៣០០០ នាក់ ដែលរស់នៅតាមដងទន្លេត្រូវជម្លៀសខ្លួនភ្លាមៗ ខណៈ សាលារៀន ការិយាល័យរដ្ឋាភិបាលនៅក្នុងក្រុង ក៏ដូចជាបណ្ដាខេត្តជិតៗនោះ ត្រូវបិទជាបណ្តោះអាសន្ន។
ជាមួយគ្នានោះដែរ ពលរដ្ឋជាង ២៥០០០ នាក់ផ្សេងទៀតដែលរស់នៅតាមតំបន់ទំនាបក្នុងក្រុង Quezon និង Caloocan ក៏ត្រូវជម្លៀសចេញផងដែរ ដោយសារតែទឹកទន្លេហក់ឡើងដល់ ១៨ ម៉ែត្រ នេះបើតាមការបញ្ជាក់ពីមន្ត្រីប្រចាំការិយាល័យសង្គ្រោះគ្រោះមហន្តរាយក្រុង Marikina។
តាមការបញ្ជាក់ពីខាងក្រុមប្រឹក្សាជាតិគ្រប់គ្រង និង កាត់បន្ថយហានិភ័យគ្រោះមហន្តរាយ យ៉ាងហោចណាស់មនុស្ស ៣ នាក់បានស្លាប់ និង ៧ នាក់កំពុងបាត់ខ្លួននៅភាគកណ្ដាល និង ភាគខាងត្បូងប្រទេសហ្វីលីពីន ដោយសារតែគ្រោះទឹកជំនន់ ចាប់តាំងពីព្យុះទីហ្វុង វីពផា បោកបក់មកកាន់ជិតដល់ប្រទេសនៅថ្ងៃទី ១៨ ខែកក្កដា មក៕
