ក្មេងស្រីអាយុ ១៥ ឆ្នាំម្នាក់ក្នុងប្រទេសឥណ្ឌា ត្រូវពពួកស្រេកឃ្លានតណ្ហាចាប់យកទៅរំលោភបូកនៅពេលដែលនាងត្រឡប់មកពីពិធីជប់លៀងខួបកំណើតមួយ និង កាន់តែខ្លោចចិត្តលើសនេះទៀតនោះ ពេលគេចខ្លួនពីជនទាំងនោះបានហើយនាងក៏មកត្រូវអ្នកបើកឡានដឹកទំនិញម្នាក់ដែលប្រាប់ថានឹងជួយជូននាងទៅផ្ទះរំលោភថែមទៀត។
តាមការរៀបរាប់របស់ប៉ូលិសបានឱ្យដឹងថា កាលពីថ្ងៃទី ២០ ខែកក្កដា ឆ្នាំ ២០២៥ កន្លងទៅ ក្មេងស្រីរងគ្រោះត្រូវបានបុរស ៣ នាក់ចាប់ខ្លួន ជិះចេញពីក្រុង ១០ ទៅ ១៥ គីឡូម៉ែត្រយកទៅកន្លែងដែលពួកគេធ្វើបាប និង រំលោភ។ ក្រោយរត់គេចខ្លួនចេញផុតពីនោះមក នាងក៏ព្យាយាមត្រឡប់ទៅផ្ទះវិញ ហើយក៏ប្រទះនឹងអ្នកបើកឡានដឹកទំនិញមួយនៅតាមផ្លូវដែលនិយាយថានឹងជួយជូននាងទៅផ្ទះ។
រូបតំណាង
យ៉ាងណាមិញ មនុស្សចិត្តល្អដែលនាងគិតក៏ប្រែជាបិសាចរោគចិត្តដែលបានប្រព្រឹត្តទង្វើស្មោកគ្រោកលើនាងថែមទៀត។ ក្មេងស្រីរងគ្រោះត្រូវបានអ្នកភូមិជួយសង្គ្រោះ ក្រោយឃើញនៅជាមួយតៃកុងឡាន ដោយក្រោយមកនាងក៏បានដាក់ពាក្យបណ្ដឹងរៀបរាប់ហេតុការណ៍ទាំងប៉ុន្មានប្រាប់ទៅប៉ូលិស។
ក្រោយទទួលពាក្យបណ្ដឹង ប៉ូលិសក៏បានចាប់ខ្លួនជនសង្ស័យ ៤ រូប ដោយគេស្គាល់ឈ្មោះថា Manoj Harijan, Rohit Kumar Hial, Bira Bhartia និង តៃកុងឡានឈ្មោះ Sobham Singh ដើម្បីយកមកកាត់ទោសតាមផ្លូវច្បាប់៕
