កាលពីថ្ងៃទី ២៥ ខែមិថុនា ឆ្នាំ ២០២៥ កន្លងទៅ មានករណីដ៏តក់ស្លុតមួយបានកើតមានឡើងក្នុងប្រទេសឥណ្ឌា ដោយមនុស្សយ៉ាងហោចណាស់ ៥ នាក់បានបាត់បង់ជីវិត ក្រោយព្យាយាមចុះចូលអណ្ដូងដើម្បីជួយសង្គ្រោះសត្វគោមួយក្បាល។
រូបតំណាង
តាមប៉ូលិសបានឱ្យដឹងថា ហេតុការណ៍នេះដែរកើតមានឡើងនៅភាគកណ្ដាលរដ្ឋ Madhya Pradesh ដោយមនុស្ស ៥ នាក់បានស្លាប់ និង គោមួយក្បាលបានងាប់ ក្រោយស្រូបឧស្ម័នពុលក្នុងអណ្ដូងជម្រៅប្រមាណ ២១ ម៉ែត្រ។ តាមសម្ដីប៉ូលិស អំឡុងពេលចុះទៅជួយសត្វគោដែលធ្លាក់ចូលអណ្ដូងនោះដែរគឺមានមនុស្សជាច្រើនចុះទៅ ប៉ុន្តែគ្រប់គ្នាសុទ្ធតែត្រូវថប់ដកដង្ហើមលែងបានដោយការស្រូបឧស្ម័នពុលក្នុងនោះបណ្ដាលឱ្យមនុស្ស ៥ នាក់អកុសលត្រូវបាត់បង់ជីវិត ដោយមានតែម្នាក់ប៉ុណ្ណោះសំណាងអាចគេចចេញមកវិញបាន និង ត្រូវនាំទៅពិនិត្យសុខភាពបន្តនៅមន្ទីរពេទ្យ។
រូបតំណាង
សាកសពមនុស្សទាំង ៥ នាក់ក្នុងអណ្ដូងត្រូវបានស្រង់ឡើងមកលើវិញហើយដើម្បីឱ្យសាច់ញាត់យកទៅធ្វើបុណ្យតាមទំនៀមទម្លាប់តំបន់។ ជាមួយគ្នានោះដែរ ខាងអាជ្ញាធរក៏ដាក់ការស៊ើបអង្កេតបន្តលើប្រភេទឧស្ម័នពុលដែលបណ្ដាលឱ្យជនរងគ្រោះស្លាប់៕
