ថ្មីៗនេះ មានអ្នកនេសាទត្រីម្នាក់នៅប្រទេសរុស្ស៊ីបានធ្វើការបង្ហោះវីដេអូនៃសត្វចម្លែកមួយដែលលោកចាប់បានពីសមុទ្រដែលធ្វើឱ្យមនុស្សជាច្រើនផ្ទុះការភ្ញាក់ផ្អើល និង ចាប់អារម្មណ៍ជាខ្លាំងព្រោះតែរូបរាងរបស់វាដូចទៅនឹងពួកអេលៀនពេក។
វីដេអូនោះដែរ ថតដោយអ្នកនេសាទជនជាតិរុស្ស៊ីឈ្មោះ Roman Fedortsov ដោយលោកបានឱ្យដឹងថា លោកចៃដន្យចាប់បានសត្វចម្លែកក្នុងសមុទ្រមួយក្បាលនេះ ខណៈពេលដែលលោកកំពុងនេសាទនៅទឹកជ្រៅ។ សត្វចម្លែកមួយក្បាលនោះដែរមានពណ៌ប្រផេះលាយត្នោត ខ្លួនរលោងស្រិល ឯទ្រង់ទ្រាយវិញដូចជាក្បាលរបស់ពួកអេលៀន ដែលពិតជាចម្លែកមិនធ្លាប់បានឃើញពីមុនមកនោះឡើយ។
ដោយឡែក បើតាមអ្នកនេសាទខាងលើបានជឿជាក់ថា សត្វចម្លែកមួយក្បាលនោះអាចជាត្រីទឹកជ្រៅមួយប្រភេទឈ្មោះ smooth lumpsucker ដែលត្រីប្រភេទនេះជាធម្មតាអាចធំធាត់ក្នុងប្រវែង ០.៣ ម៉ែត្រ ហើយរាងកាយរបស់វារីកធំប៉ោងទៅសភាពដូចអេលៀននេះអាចដោយសារតែការផ្លាស់ប្ដូរភ្លាមៗនៃសម្ពាធបរិយាកាសខាងលើ៕
