ថ្មីៗនេះ អ្នកលេងតាមបណ្ដាញសង្គមក្នុងប្រទេសចិនមានការភ្ញាក់ផ្អើលស្រៀវខ្លួនជំនួសខ្លាំង ក្រោយពីឃើញវីដេអូស្ដែងៗមួយបង្ហាញឱ្យឃើញកម្មករសំណង់ចំនួន ៣ នាក់ជាប់លើប្រអប់យោងលើអាកាស ខណៈខ្យល់កំពុងតែបោកបក់ខ្លាំងយោលប្រអប់នោះទៅឆ្វេងទៅស្ដាំធ្វើឱ្យមហាជនជាច្រើនបង្ហាញក្ដីបារម្ភបំផុតចំពោះសុវត្ថិភាពកម្មករទាំង ៣ នាក់នោះ។
ហេតុការណ៍ខាងលើនេះ បានកើតឡើងកាលពីថ្ងៃទី ១៥ ខែមីនា ឆ្នាំ ២០២៥ កន្លងទៅ នៅ Tin Shui Wai ក្រុងហុងកុង ប្រទេសចិន ខណៈកម្មករទាំង ៣ នាក់កំពុងធ្វើការសុខៗ ស្រាប់តែមានខ្យល់បោកប្រអប់យោងដែលពួកគេកំពុងឈរធ្វើការនោះយោលចុះឡើងរហូតត្រូវប្រឹងទប់ខ្លួនកុំឱ្យធ្លាក់។
ខាងក្រុមសង្គ្រោះបានឱ្យដឹងថា ពួកគេត្រូវបានគេទាក់ទងហៅនៅវេលាម៉ោង ៣ រសៀលថ្ងៃដដែលនោះ ហើយក៏បាននាំគ្នាចុះទៅដល់ទីតាំងភ្លាមៗផងដែរ។ នៅពេលនោះ ពួកគេបានឃើញកម្មករ ៣ នាក់បានព្យាយាមប្រឹងតោងខ្សែ ហើយជាសំណាងល្អដោយមានការជួយពីក្រុមសង្គ្រោះ កម្មករទាំង ៣ នាក់ត្រូវបានជួយចុះដល់ក្រោមវិញបានដោយសុវត្ថិភាព៕
