ប្រពន្ធណាមិនគ្រាំចិត្ត! ប្ដីលួចផិតក្នុងផ្ទះ ធ្វើឱ្យម្ដាយក្មេកមានផ្ទៃពោះ ឥលូវលែងលះគ្នា ប្ដូរឈ្មោះពីប្ដីមកធ្វើជាឪពុកចុងវិញ

ក្រុមគ្រួសារមួយរស់នៅក្នុងតំបន់ Soppeng ខេត្ត South Sulawesi ប្រទេសឥណ្ឌូនេស៊ី កំពុងធ្វើឱ្យមហាជនក្នុងប្រទេសជាច្រើនផ្ទុះការចាប់អារម្មណ៍ខ្លាំងនាពេលថ្មីៗនេះ ដោយសារតែទំនាក់ទំនងដ៏ច្របូកច្របល់ក្នុងគ្រួសាររបស់ពួកគេ ពោលគឺស្វាមីរបស់ស្ត្រីវ័យក្មេងម្នាក់បានប្ដូរឈ្មោះក្លាយទៅជាឪពុកចុងរបស់នាងវិញ ដោយសារតែបុរសជាប្ដីរូបនោះលួចផិតក្បត់គ្នាជាមួយនឹងម្ដាយរបស់នាង។

តាមការចេញផ្សាយរបស់វិបសាយឥណ្ឌូនេស៊ី Detik បានឱ្យដឹងថា បុរសជាប្ដីដែលគេដាក់ឈ្មោះជាអក្សរកាត់ថា BR បានសម្រេចចិត្តលែងលះគ្នាជាមួយប្រពន្ធវ័យ ២១ ឆ្នាំឈ្មោះ AL ក្រោយរូបលោកបានធ្វើឱ្យស្ត្រីដែលត្រូវជាម្ដាយក្មេកមានផ្ទៃពោះ។ ហេតុការណ៍ដ៏ហួសចិត្តមួយនេះដែរបានកើតមានឡើងនៅភូមិ Desa Abbanuange នាតំបន់ Soppeng ខេត្ត South Sulawesi។

តាមការរៀបរាប់ពីលោក Buhari ដែលត្រូវជាមេភូមិ Desa Abbanuange បានទម្លាយថា ករណីខាងលើនេះបានកើតឡើងកាលពីដើមឆ្នាំ ២០២៤ កន្លងទៅ ដោយចាប់តាំងពីពេលនោះមក ភាគីទាំងសងខាងក្នុងគ្រួសារក៏បានបញ្ចប់រឿងរ៉ាវទាំងប៉ុន្មានរួចរាល់ហើយដែរ ដោយស្ត្រីជាម្ដាយក្មេកក៏បានប្រែក្លាយទៅជាប្រពន្ធរបស់កូនប្រសា និង ថែមទាំងបានសម្រាលកូនដំបូងជាមួយគ្នាផងដែរ៕

ប្រភព៖ World Of Buzz