មានករណីដ៏ហួសចិត្តមួយបានកើតឡើងនៅប្រទេសឥណ្ឌូនេស៊ី ដោយបុរសវ័យ ៥៣ ឆ្នាំម្នាក់ កើតការខឹងសម្បាលើប្រពន្ធខ្លាំងរហូតប្រើប្រាស់ហិង្សាដល់ប្រពន្ធរបួសធ្ងន់ធ្ងរ ក៏ព្រោះតែនាងចូលចិត្តថត selfie បង្ហោះហ្វេសប៊ុកច្រើនពេក។
ហេតុការណ៍ខាងលើនេះដែរ បានកើតឡើងកាលពីថ្ងៃទី ៣០ ខែតុលា ឆ្នាំ ២០២៥ កន្លងទៅ នៅផ្ទះរបស់ពួកគេនាតំបន់ Ogan Ilir ខេត្ត South Sumatra ប្រទេសឥណ្ឌូនេស៊ី។ បុរសជាប្ដីត្រូវបានស្គាល់ឈ្មោះថា Mat Nasir ដោយនៅថ្ងៃកើតហេតុនោះ លោកបានដើរចូលបន្ទប់ ក៏ឃើញប្រពន្ធអង្គុយលេងទូរស័ព្ទ។ ភ្លាមៗ ប្ដីបានទារយកទូរស័ព្ទពីប្រពន្ធ តែនាងមិនឱ្យ រហូតផ្ទុះកំហឹងឈ្លោះទាស់ទែងគ្នា ទាញកញ្ឆក់ទូរស័ព្ទពីប្រពន្ធ ប្រទាញប្រទង់គ្នារហូតខាងប្រពន្ធរងរបួសជាំប៉ោងមុខប៉ោងមាត់អស់។
ស្ត្រីជាប្រពន្ធបានយំស្រែកឱ្យគេឯងជួយ រហូតឮដល់អ្នកជិតខាង នាំគ្នាម្នីម្នាមកនាំនាងយកទៅព្យាបាលនៅមន្ទីរពេទ្យ។ ដោយឡែក បុរសជាប្ដីក៏ត្រូវបានប៉ូលិសចាប់ខ្លួនយកទៅ និង កំពុងស្ថិតក្រោមការស៊ើបអង្កេតបន្ត៕
