ប្រទេសចំនួន ១១ ប្រកាសស្មារលាឈប់ចាយលុយដុល្លារចាប់ពីឆ្នាំ ២០២៥ នេះទៅ សូម្បីចរាចរក្នុងប្រទេសក៏លែងឱ្យមាន

កាលពីថ្ងៃទី ១០ ខែមេសា ឆ្នាំ ២០២៥ កន្លងទៅ តាមការចេញផ្សាយដោយវិបសាយព័ត៌មាន Union Rayo ប្រទេសចំនួន ១១ បានប្រកាសថា ពួកគេនឹងឈប់ប្រើប្រាស់ប្រាក់ដុល្លារតទៅទៀតចាប់ពីឆ្នាំ ២០២៥ នេះតទៅ ស្របពេលដែលសហរដ្ឋអាមេរិកកំពុងជួបបញ្ហាសេដ្ឋកិច្ចមិនសូវល្អ។

ដូចដែលប្រិយមិត្តមួយចំនួនបានដឹងហើយថា ប្រាក់ដុល្លារគឺជារូបិយប័ណ្ណរបស់សហរដ្ឋអាមេរិក ហើយរហូតមកទល់ពេលនេះ ៨០% នៃពាណិជ្ជកម្មសកលគឺប្រើប្រាស់ប្រាក់ដុល្លារ ដូចជាចាយលើការទិញប្រេង ឬវត្ថុធាតុដើមផ្សេងៗមួយចំនួនទៀត។ យ៉ាងណាមិញ ឥលូវនេះ ប្រទេសចំនួន ១១ បានសម្រេចចិត្តស្មារលាប្រាក់ដុល្លារនេះ និង ឈប់ប្រើប្រាស់វាក្នុងដែនដីរបស់ពួកគេតទៅទៀតក្នុងបំណងពង្រឹងរូបិយប័ណ្ណផ្ទាល់ខ្លួន ជាជាងផ្ដល់ឥទ្ធិពលខ្លាំងទៅលើលុយដុល្លារ។

ប្រទេសដែលប្រកាសឈប់ប្រើប្រាស់លុយដុល្លាររួមមាន៖ ប្រទេសអាមេនី, ប្រទេសអាស៊ែបៃសង់, ប្រទេសបេឡារុស, ប្រទេសកាហ្សាក់ស្ថាន, ប្រទេសកៀគីស្ថាន, ប្រទេសម៉ុលដូវ៉ា, ប្រទេសរុស្ស៊ី, ប្រទេសតាជីគីស្ថាន, ប្រទេសតួកមេនីស្ថាន, ប្រទេសអ៊ូសបេគីស្ថាន និង ប្រទេសអ៊ុយក្រែន។ ចំពោះពេលវេលាអនុម័តលើការបញ្ឈប់ការប្រើប្រាស់ប្រាក់ដុល្លារក្នុងប្រទេសខាងលើ គឺនៅមិនទាន់បានប្រកាសនៅឡើយទេ ប៉ុន្តែគេប៉ាន់ប្រមាណថាដំណើរការអាចនឹងចាប់ផ្ដើមនៅពាក់កណ្ដាលឆ្នាំ ២០២៥ នេះ៕

ប្រភព៖ Union Rayo