គិតត្រឹមម៉ោង ១១ ថ្ងៃត្រង់ ថ្ងៃទី ០៨ ខែធ្នូ ឆ្នាំ ២០២៥ នេះ យោធាថៃនៅតែបន្តវាយប្រហារមកលើប្រទេសកម្ពុជាទាំងកំរោល មិនខ្វាយខ្វល់សូម្បីតែគោលដៅតំបន់ប្រជាជនស៊ីវិលស្លូតត្រង់រស់នៅ។
ស្របគ្នានេះ សាលារៀនជាច្រើននៅតាមតំបន់គ្រោះថ្នាក់ដែលកំពុងផ្ទុះអាវុធត្រូវបានផ្អាកការសិក្សា ខណៈប្រជាពលរដ្ឋកំពុងនាំគ្នារត់ភៀសសឹក ទៅរកទីតាំងដែលមានសុវត្ថិភាព។
ជាមួយគ្នានេះ បើតាមរយៈការបង្ហោះរបស់លោក ម៉េត មាសភក្តី អភិបាលរងខេត្តឧត្តរមានជ័យ បានឱ្យដឹងថា គិតត្រឹមម៉ោង ១១ ព្រឹកមិញនេះ នៅក្នុងខេត្តឧត្តរមានជ័យ មានជនស៊ីវិលស្លូតត្រង់កម្ពុជាចំនួន ៣ នាក់ (ប្រុស ២ នាក់ ស្រីម្នាក់) បានរងរបួសដោយការវាយប្រហារពីខាងកងកម្លាំងយោធាថៃ ដោយបច្ចុប្បន្នកំពុងទទួលការជួយសង្គ្រោះពីសំណាក់ក្រុមគ្រូពេទ្យ៕
