បុរសវ័យ ២៦ ឆ្នាំម្នាក់នៅសិង្ហបុរី ឈ្មោះ Edwin Chow Rui Xiong ត្រូវបានប៉ូលិសចាប់ខ្លួន ក្រោយរូបគេបានយកកន្ត្រៃទៅកាត់សក់ស្ត្រីជាអ្នកដំណើរលើរថយន្តក្រុងម្នាក់ ដើម្បីយកមកទុកហិតឱ្យកើតចំណង់ផ្លូវភេទ។
រឿងហេតុនេះដែរបានកើតឡើងកាលពីថ្ងៃទី ០៣ ខែសីហា ឆ្នាំ ២០២៥ នៅពេលបុរសឈ្មោះ Chow បានឡើងជិះរថយន្តក្រុងលេខ ១៨៥ នៅតំបន់ Dover និង ទៅអង្គុយនៅកៅអីពីក្រោយស្ត្រីម្នាក់។ នៅពេលនោះ រូបគេក៏ឃើញសក់ដ៏វែងរបស់ស្ត្រីនោះដែលធ្វើឱ្យគេកើតចំណង់ផ្លូវអារម្មណ៍ ទើបទាញកន្ត្រៃមួយមកកាត់នាងយកមកដាក់ក្នុងថង់ប្លាស្ទិក ដើម្បីទុកហិតពេលក្រោយ។
រូបតំណាង
យ៉ាងណាមិញ ស្ត្រីជាម្ចាស់សក់ក៏បានដឹងខ្លួន រួមងាកទៅនិយាយតតាំងនឹងបុរសនោះ ប៉ុន្តែរូបគេមិននិយាយស្ដីតបតអ្វីឡើយ ទើបនាងប្រាប់រឿងនេះទៅអ្នកបើកឡានក្រុង ហើយក៏ទាក់ទងទៅប៉ូលិសឱ្យមកអន្តរាគមន៍។ ក្រោមការស៊ើបអង្កេត ប៉ូលិសបានរកឃើញកន្ត្រៃ ៥ គូ និង ថង់ប្លាស្ទិកមួយចំនួនមានដាក់សក់ខ្លះក្នុងកាតាបរបស់បុរសនោះ។
រូបគេបានទទួលស្គាល់ថា គេកើតមានសម្រើបផ្លូវភេទនៅពេលបានហិតសក់មនុស្សស្រី ដូច្នេះហើយទើបជាគេកាត់សក់ស្រីៗយកមកទុកក្នុងថង់ដើម្បីហិតពេលត្រូវការបែបនេះ។ គួរឱ្យដឹងថា លោក Chow ត្រូវបានតុលាការកាត់ទោសឱ្យជាប់ពន្ធនាគាររយៈពេល ២ ខែ និង ២ សប្ដាហ៍ កាលពីថ្ងៃទី ១១ ខែកញ្ញា ឆ្នាំ ២០២៥ កន្លងទៅ ពីបទប្រើកម្លាំងបាយក្នុងបំណងបៀតបៀន និង ប្រើប្រាស់អាវុធដើម្បីកាត់៕
ប្រភព៖ World Of Buzz
