នៅថ្ងៃទី ២៥ ខែកក្កដា ឆ្នាំ ២០២៥ នេះ ឧបនាយករដ្ឋមន្ត្រីថៃ និង ជានាយករដ្ឋមន្រ្តីស្តីទី Phumtham Wechayachai បានស្នើឱ្យមានកិច្ចចរចាផ្នែកការទូត ដើម្បីបន្ធូរបន្ថយហិង្សានៅតាមព្រំដែនជាមួយប្រទេសកម្ពុជា នេះបើតាមការចេញផ្សាយពីសារព័ត៌មាន The Nation Thailand។
លោក Phumtham បាននិយាយថា រដ្ឋាភិបាលថៃ និង ខាងកងទ័ព កំពុងធ្វើការជាមួយនឹងនាយករដ្ឋមន្ត្រីប្រទេសម៉ាឡេស៊ី ដែលបច្ចុប្បន្នជាប្រធានអាស៊ាន ដើម្បីរកដំណោះស្រាយបញ្ចប់ជម្លោះនេះឱ្យបានឆាប់រហ័ស។ លោកបានបន្ថែមទៀតថា អាស៊ាននឹងជួបពិភាក្សាជាមួយនាយករដ្ឋមន្ត្រីប្រទេសកម្ពុជាជាមុន មុននឹងបន្តការពិភាក្សាជាមួយប្រទេសថៃ ដើម្បីឈានទៅរកដំណោះស្រាយដោយសន្តិវិធី។
ជាមួយគ្នានោះដែរ លោក Phumtham នៅតែលើកបញ្ជាក់ដោយមិនខ្មាសខ្លួនថា កម្ពុជាជាអ្នកបង្កហិង្សាដោយបាញ់គ្រាប់រ៉ុកែតចូលតំបន់ជនស៊ីវិលបណ្ដាលឱ្យពលរដ្ឋថៃរងរបួសច្រើននាក់ និង ថាកម្ពុជារំលោភច្បាប់អន្តរជាតិ ទាំងដែលប្រទេសខ្លួនឯងជាអ្នកបង្កជម្លោះមុនសោះនោះ៕
ប្រភព៖ The Nation Thailand
